logo-en

  NORTHERN UNIVERSITY

Հյուսիսային համալսարանի պրակտիկայի և կարիերայի կենտրոնի գործառույթներից է նպաստել բուհի ուսանողների ու շրջանավարտների կարիերայի աճին, աջակցել նրանց աշխատանքի որոնումների ընթացքում, համագործակցելով գործատուների հետ՝  համապատասխան աշխատանք գտնելու, մասնագիտությամբ կայանալու նոր հնարավորություններ ստեղծել  համալսարանի ուսանողների ու շրջանավարտների համար։

Հյուսիսային համալսարանի պրակտիկայի և կարիերայի կենտրոնի  և «Տելեկոմ Արմենիա» ընկերության միջև հաստատված համագործակցության արդյունքում հնարավորություն է ընձեռվում բուհի ուսանողներին և շրջանավարտներին՝ գնալու հերթական աշխատանքի առաջարկի հետքերով։ 

Այսպիսով՝

«Տելեկոմ Արմենիա» ընկերությունը իրականացվող  նախագծի շրջանակներում  փնտրում է  բնակարանային վաճառքի մասնագետներ (door to door)

 

Անվանում`

 

 Բնակարանային վաճառքի մասնագետ

 Ծառայությունները ներառում են`

 

  • Իրականացնել շրջիկ վաճառք ղեկավարի կողմից տրամադրված հասցեներով ( բնակելի շենքեր, սեփական տներ )։
  • Հստակ  տիրապետել և պատշաճ  ներկայացնել մատուցվող ծառայությունները։
  • Կատարել իր առջև դրված պլանային ցուցանիշները։

·         Վարել օրական այցելությունների հաշվետվություն։

·         Գրանցել հաճախորդների առաջարկները, տվյալները և վաճառքին առնչվող այլ մանրամասներ:

Կրթություն/որակավորումներ

 

  • Բարձրագույն կրթությունը ցանկալի է։
  • Աշխատանքային գրաֆիկը ազատ է և կարելի է համատեղել ուսման հետ։
  •  Հաղորդակցվելու գերազանց հմտություններ։
  • Հնարամտություն և համբերատարություն։
  • Բարդ իրավիճակներում կողմնորոշվելու ունակություն։
  • Ճկունություն, ճշգրություն:

Հետաքրքրված թեկնածուները  կարող են ուղարկել ինքնակենսագրություն ` This email address is being protected from spambots. You need JavaScript enabled to view it. էլ. փոստին մինչև 2021 թ մարտի 31-ը: Ինքնակենսագրությունը կարող եք ներկայացնել նաև Հյուսիսային համալսարանի պրակտիկայի և կարիերայի կենտրոն։

 

HAYTARARUTYUN

Բուհի պրակտիկայի և կարիերայի կենտրոնը, իր գործառույթներին համապատասխան,  շարունակում է կապեր հաստատել գործատուների հետ, տեղեկանալ թափուր հաստիքների մասին և աշխատանքային ամենատարբեր մրցույթներում ներգրավել Հյուսիսային համալսարանի ուսանողներին։ Ձեզ ենք ներկայացնում աշխատանքի հերթական հնարավորությունը։

«Տելեկոմ Արմենիա« ընկերությունը (Beeline ապրանքանիշ) փնտրում է Զանգերի կենտրոնի մասնագետների, ովքեր պատրաստակամ են աշխատելու հերթափոխով  

Պաշտոնի անվանում`

Զանգերի կենտրոնի մասնագետ

Տնօրինություն`

Հաճախորդների սպասարկման ծառայություն

Հիմնական պարտականություններ`

 

  • ​​​​​​​Հեռախոսով լուծել հաճախորդների խնդիրները և տրամադրել համապատասխան տեղեկատվություն:
  • Հաճախորդների հարցումներին տրամադրել տեխնիկական աջակցություն:
  • Հաճախորդներին տրամադրել տեղեկատվություն ծառայությունների և արտադրանքների վերաբերյալ:
  • Անհրաժեշտության դեպքում զանգերը փոխանցել տեխնիկական թիմին և հետևել խնդիրների կատարման ընթացքին:

Կրթություն`

  • Բարձրագույն տեխնիկական կրթություն

Անհրաժեշտ գիտելիքներ և հմտություններ`

  • ԻՏ տեխնոլոգիաների գործառնական ֆունկցիաների իմացություն:
  • Հերթափոխով աշխատալու պատրաստակամություն (հերթափոխը ենթադրում է թե ցերեկային, թե գիշերային աշխատաժամանակ) :
  • Հաղորդակցվելու և կոնֆլիկտային իրավիճակներում մարդկանց հետ շփվելու ունակություն:
  • Գրագետ, հստակ և անթերի խոսք:
  • Պատասխանատվության զգացում:
  • Սովորելու բարձր ունակություն:
  • Սթրեսային իրավիճակներում աշխատելու կարողություն:
  • Հայերեն և ռուսերեն լեզուների  իմացություն, անգլերեն լեզվի իմացությունը ցանկալի է:

Աշխատանքային փորձ`

  • Աշխատանքային փորձը համապատասխան ոլորտում ցանկալի է:

Ցանկացողները կարող են  ուղարկել ինքնակենսագրություն (CV/Resume) This email address is being protected from spambots. You need JavaScript enabled to view it.  էլեկտրոնային հասցեին հայերեն կամ անգլերեն լեզուներով: Նամակի վերնագրում խնդրում ենք նշել Զանգերի կենտրոնի մասնագետ: Ինքնակենսագրությունը կարող եք ներկայացնել նաև Հյուսիսային համալսարանի պրակտիկայի և կարիերայի կենտրոն։

Հարցազրույցին մասնակցելու համար ընտրված դիմորդները կտեղեկացվեն:

 

Հայտերն ընդունվում են մինչև  2021թ ապրիլի 9-ը.:

Լրացուցիչ տեղեկությունների համար կարող եք այցելել վեբ կայք` www.beeline.am

 
 
HAYTARARUTYUN
 
Հարգելի ուսանողներ, եթե ձեզ հետաքրքրում է Հնդկաստանն ու հինդի լեզուն, ապա այս հայտարարություն հենց ձեզ համար է
Հնդկաստանի Հինդի լեզվի կենտրոնական ինստիտուտը, Հնդկաստանի Հանրապետության մարդկային ռեսուրսների զարգացման նախարարության հովանու ներքո, Հայաստանին հատկացրել է կրթաթոշակ` հինդի լեզու ուսանել ցանկացողների համար: Դասընթացը կազմակերպվելու է 2021թ. օգոստոսի 1-ից մինչև 2022թ. ապրիլի 30-ը, որին կարող են մասնակցել 21-ից 35 տարեկան միջնակարգ կրթություն ստացած դիմորդներ:
Դասընթացի մասնակցության համար հարցաթերթիկները պետք է ներկայացնել Հնդկաստանի դեսպանություն մինչև ս.թ. ապրիլի 12-ը:
Հավելյալ տեղեկատվություն ստանալու համար թեկնածուները կարող են դիմել Հնդկաստանի դեսպանություն /This email address is being protected from spambots. You need JavaScript enabled to view it., հեռ. +37410539173/4/5, ֆաքս․ +37410533984/539170/:
Հավելյալ տեղեկատվություն ստանալու համար կարող եք դիմել գրությունում առկա կոնտակտային հասցեներով:
 
mrcuyt Mobile
 
 
ՄՐՑՈՒՅԹ
 
Հայտարարում ենք շարադրության մրցույթ՝ «Ես՝ Հյուսիսային համալսարանի շրջանավարտս, 5–10–20 տարի անց (իմ մասնագիտական սպասելիքները բուհից)» թեմայով։
Աշխատանքները ներկայացնելու համար տրվում է 2 շաբաթ ժամանակ՝ մարտի 3–ից մինչև մարտի 16–ը ներառյալ։
Մրցույթի արդյունքները նախ կամփոփի վարչական աշխատողներից բաղկացած հանձնաժողովը, այնուհետև շարադրությունները ուսանողների շրջանում կդրվեն հրապարակային մրցույթի։ Այսպիսով կընտրվի երկու հաղթող՝ հանձնաժողովի կողմից և ուսանողության։
Վարչական աշխատողներից բաղկացած հանձնաժողովը արդյունքները կամփոփի մարտի 17–22–ը, նույն ժամանակահատվածում բուհի պաշտոնական ֆեյսբուքյան էջում կհրապարակվեն շարադրությունները՝ դրանք ներկայացնելով ուսանողության դատին։ Հաղթողների անունները կհրապարակվեն մարտի 23–ին Հյուսիսային համալսարանի ֆեյսբուքյան էջում և northern.am պաշտոնական կայքում։
Շարադրության մրցույթում հաղթող ուսանողները կստանան 50–հազարական դրամ պարգև։
Սիրելի ուսանողներ, «Ես՝ Հյուսիսային համալսարանի շրջանավարտս, 5–10–20 տարի անց (իմ մասնագիտական սպասելիքները բուհից)» թեմայով շարադրությունները կարող եք ուղարկել This email address is being protected from spambots. You need JavaScript enabled to view it. էլեկտրոնային հասցեով։

HAYTARARUTYUN

Հյուսիսային համալսարանի հարգելի դասախոսներ, խոստումնալից գիտնականներ,

հրավիրում ենք մասնակցելու Եվրոպական համալսարանի կազմակերպած «ԱՆՎՏԱՆԳՈՒԹՅԱՆ ԱՐԴԻ ՀՒՄՆԱԽՆԴԻՐՆԵՐԸ» ԳԻՏԱԺՈՂՈՎԻՆ, որը տեղի կունենա սույն թվականի մարտի 26–ին։  Գիտաժողովի անչափ հետաքրքիր ու բազմանիստ թեման հնարավորություն կտա տարբեր ոլորտների գիտնականներին՝ ասելու իրենց խոսքը։

Շտապեք գրանցվել։ 

ԵՎՐՈՊԱԿԱՆ ՀԱՄԱԼՍԱՐԱՆ

«ԱՆՎՏԱՆԳՈՒԹՅԱՆ ԱՐԴԻ ՀՒՄՆԱԽՆԴԻՐՆԵՐԸ» ԳԻՏԱԺՈՂՈՎ

 մարտի 26, 2021թ

Գիտաժողովին հրավիրվում են բուհերի, գիտահետազոտական կենտրոնների և այն գերատեսչությունների գիտնականները, ասպիրանտները, հետազոտողները, մագիստրանտները և ուսանողները, ովքեր մտահոգված են 21-րդ դարում անընդհատ ահագնացող հիմնախնդրի վերաբերյալ, որը կապված է մարդու և հասարակության ավտանգության հետ։

Վերջին տասնամյակների ընթացքում գիտատեխնիկական առաջընթացը, թվում է թե, մարդու կյանքը դարձրել է բարեկեցիկ, սակայն ավելի են խորացել վտանգներն ու ռիսկերը, որոնք մշտապես ուղեկցում են մեզ։ Գիտաժողովի նպատակն է վերլուծել և գնահատել ժամանակակից կյանքում մարդուն սպառնացող տարատեսակ վտանգներն ու ռիսկերը, գտնել դրանց մեղմացման ուղիները, միջոցները ու մեխանիզմները։ 

«Անվտանգության արդի հիմնախնդիրները» գիտաժողովը նախատեսում է մասնագետների լայն շրջանակ հետևյալ ուղղություններով․

  1. Պետության անվտանգություն,
  2. Քաղաքական անվտանգություն,
  3. Տնտեսական անվտանգություն,
  4. Սոցիալական անվտանգություն,
  5. Առողջապահական անվտանգություն,
  6. Մշակութային անվտանգություն,
  7. Բնապահպանական անվտանգություն,
  8. Քաղաքաշինական անվտանգություն,
  9. Ճարտարապետական անվտանգություն,
  10. Տեղեկատվական անվտանգություն։

Գիտաժողովը կկայանա մարտի 26-ին, Եվրոպական համալսարանում, Դ Անհաղթի 10 հասցեով (հեռ +374 10 2400 38, +374 93 114359)։

Գիտաժողովին ներկայացված հոդվածները կհրապարակվեն որպես գիտաժողովի նյութեր։ Գրանցման հայտաթերթիկն անհրաժեշտ է ուղարկել This email address is being protected from spambots. You need JavaScript enabled to view it., This email address is being protected from spambots. You need JavaScript enabled to view it. էլ-հասցեներով մինչև սույն թվականի մարտի 5-ը, իսկ գիտական հոդվածը՝ մինչև մարտի 19-ը։

Հայտաթերթիկը և հոդվածների պահանջները ներկայացվում են ստորև։

«ԱՆՎՏԱՆԳՈՒԹՅԱՆ ԱՐԴԻ ՀԻՄՆԱԽՆԴԻՐՆԵՐԸ»

թեմայով գիտաժողովի հայտագրման թերթիկ

Մարտի  26, 2021թ

ԳԻՏԱԿԱՆ ՀՈԴՎԱԾԻՆ ՆԵՐԿԱՅԱՑՎՈՂ ՊԱՀԱՆՋՆԵՐ

  • Հոդվածները կարող են ներկայացվել հայերեն, ռուսերեն, անգլերեն լեզուներով` 4-9 էջերի սահմաններում: Հոդվածը պատրաստվում է MS Word տեքստային խմբագրիչով: Սահմանվում են էջերի հետևյալ չափանիշները և պահանջները (Page Setap և Paragraph). Paper size A4 Font (հայերեն       լեզվի համար) GHEA Grapalat, Font         (ռուսերեն     և անգլերեն      լեզուների համար) Times  New Roman, Top      2 սմ, Bottom 2 սմ, Left 3 սմ, Right 1,5 սմ, Size 12pt., Line spacing 1,15, Tab 1 սմ։
  • Վերնագիր. վերնագիրը դրվում է կենտրոնում, մեծատառերով, մգեցված (BOLD),
  • Հոդվածի հեղինակի (հեղինակների) անուն ազգանուն, բուհ, ամբիոն, գիտական աստիճան և կոչում (առկայության դեպքում), էլեկտրոնային փոստի հասցե, հեռախոսահամար (Bold, Italic, կողմնորոշումը` կենտրոն)։
  • Անոտացիա. Անոտացիան հաջորդում է հեղինակի մասին տեղեկատվությանը, բաց թողնելով 1 միջտողային տարածություն: Այն պետք է ընդգրկի 60-100 բառ, որում հակիրճ պետք է ներկայացված լինեն կատարված հետազոտության հիմնական դրույթները։
  • Հիմնաբառեր. հիմնաբառերը պետք է լինեն 5-6 բառ կամ բառակապակցություն։
  • Հոդվածի հիմնական բովանդակությունը. Հոդվածի հիմնական բովանդակությու­նը հաջորդում է hիմնաբառերին՝ բաց թողնելով 1 միջտողային տարածություն: Հոդվածում ներկայացվում են նշանակալից գիտական արդյունքներ, որոնք նախկինում ոչ մի տեղ չեն հրատարակվել: Հոդվածը պետք է ներառի. ներածություն, աշխատանքի նպատակ    և արդիականություն, հիմնախնդրի ուսումնասիրվածու­թյան աստիճան, առաջադրվող խնդիրներ, խնդիրների լուծման առաջարկվող մեթոդներ կամ եղանակներ, ստացված արդյունքներ, եզրահանգումներ: Վերոնշյալ բաժինների ներկայացումը            առանձին ենթավերնագրե­րով չի պահանջվում: Անհրաժեշտության  դեպքում հոդվածի բովանդակությունը բաժանվում է առանձին բաժինների, որոնք ունենում են ենթավերնագրեր: Հոդվածի տեքստում տողադարձեր չեն արվում:
  • Աղյուսակներ և գծապատկերներ. Աղյուսակները և գծապատկերները դրվում են տեքստում դրանց մասին հիշատակելուց հետո: Աղյուսակների վերնագրերը դրվում են աղյուսակի վերևում, իսկ գծապատկերներինը՝ գծապատկերի ներքևում: Աղյուսակների և գծապատկերների վերնագրերը պետք է գրել 10 տառաչափով՝ Italic: Աղյուսակների ու գծապատկերների ընդհանուր ծավալը չի կարող գերազանցել հոդվածի ծավալի 20 տոկոսը։
  • Օգտագործված գրականության ցանկ: Օգտագործված գրականության ցանկը հաջորդում է հոդվածի հիմնական բովանդակությանը: Հոդվածի տեքստում օգտագործված գրականությունից կամ աղբյուրներից հղումները դրվում են տեսքստի համապատասխան մասում` քառակուսի փակագծերում`հաջորդական համարակալմամբ, համարի կողքին նշելով տվյալ աղբյուրի էջերը, որին հղում է արվել` բնագրի լեզվով (Օրինակ` [1], [4, 2-10 էջեր], [4, p.110-111], [6, c. 22]):
  • Հղումների աղբյուրները և գրականության ցանկը ձևակերպվում են ըստ հետևյալ պահանջների նշվում են հեղինակի (հեղինակների) ազգանունը (ազգանունները) և անվան և հայրանվան սկզբնատառերը, գրքի կամ հոդվածի լրիվ անվանումը, հրատարակման վայրը, տարեթիվը, հրատարակչությունը, էջերը։
  • Օգտագործված գրականության ցանկին հաջորդում են բնագրից տարբերվող 2 աշխատանքային լեզուներով հոդվածի վերնագիրը, հեղինակի (հեղինակների) անուն ազգանունը, բուհը, ամբիոնը, գիտական աստիճանը և կոչումը (առկայության դեպքում), անոտացիան և հիմնաբառերը:
  • Հոդվածի տեքստում արված հղումները, բացատրությունները, մեկնաբանութ­յուն­­­նե­րը կամ հավելումները (footnotes) դրվում են նույն էջի տողատակում` հաջորդական համարակալմամբ, տառաչափը` 10pt: Հոդվածի բոլոր էջերը պետք է համարակալված լինեն` էջի ներքևում, կողմնորոշումը` կենտրոն:

Main News

Հայտարարություններ

Աշխատանքի նոր հնարավորություն մեր ուսանողներին

15.03.2021

Հյուսիսային համալսարանի պրակտիկայի և կարիերայի կենտրոնի գործառույթներից է նպաստե...

Հյուսիսային համալսարանի՝ աշխատանք փնտրող ուսանողներին ու շրջանավարտներին

15.03.2021
Հյուսիսային համալսարանի՝ աշխատանք փնտրող ուսանողներին ու շրջանավարտներին

  Բուհի պրակտիկայի և կարիերայի կենտրոնը, իր գործառույթներին համապատասխան,&n...