logo-en

  NORTHERN UNIVERSITY

irav ambion

Վերջնարդյունքը պետք  է լինի ուսման որակի բարձրացումը

Սույն թվականի սեպտեմբերի 30-ին տեղի ունեցավ իրավագիտության և հասարակագիտական առարկաների ամբիոնի հերթական նիստը, որը վարում էր ամբիոնի վարիչ, ի.գ.թ., դոցենտ Ավետիք Հարությունյանը:

Օրակարգում էին մի շարք հարցեր, մասնավորապես՝ հաստատվեց ամբիոնի 2021-2022 ուսումնական տարվա աշխատանքային պլանը, որը ենթադրում է մոտ երկու տասնյակ միջոցառում: Այնուհետև Ավ. Հարությունյանը ներկայացրեց 2021-2022 ուսումնական պլանում կատարված փոփոխությունները՝ նշելով, որ գրեթե հավասարեցվել է մագիստրատուրայում դասավանդվող առարկաների դասախոսությունների և գործնական աշխատանքների ժամաքանակը:

Քննարկվեց նաև միջանկյալ և ավարտական  քննություններին ընդառաջ քննական տոմսեր կազմելու և ամբիոն ներկայացնելու հարցը:

Ամբիոնի վարիչն անդրադարձավ 2021-2022 ուստարվա ընթացքում  դասալսումների  իրականացման և բաց դասեր կազմակերպելու հարցին: Նա նշեց, որ իր նախաձեռնությամբ հոկտեմբերի 7-ին «Իրավունքի փիլիսոփայություն» առարկայի շրջանակներում կազմակերպվելու է բաց դաս՝ նվիրված ակադեմիկոս Վլադիկ Ներսեսյանցի ծննդյան 83-ամյակին, որին կարող են մասնակցել դասախոսներն ու ուսանողները:

Ավ. Հարությունյանը դասախոսներին հանձնարարեց ներկայացնել բաց դասեր կազմակերպելու ժամանակացույցը, քանի որ ամբիոնի աշխատանքային պլանի համաձայն՝ դասախոսները պետք է տարվա կտրվածքով կազմակերպեն բաց դասեր, ինչին զուգահեռ պետք է մեկնարկեն դասալսումները՝ նպատակ ունենալով փոխանակվել փորձով, կիսվել դասավանդման մեթոդաբանությամբ, որի վերջնարդյունքը պետք  է լինի ուսման որակի բարձրացումը:

Այնուհետև ամբիոնի դասախոսներն իրազեկվեցին կորոնավիրուսային  հիվանդության (Covid-19) դեմ պատվաստման ՀՀ առողջապահության նախարարի հրամանի մասին, ինչի վերաբերյալ եղան տարբեր տեսակետներ:

Նիստին քննարկվեցին նաև այլ հարցեր, մասնավորապես՝ ուսանողների պրակտիկային ու հաճախումներին առավել հետևողական լինելու, գրադարանը իրավաբանական թարմ գրականությամբ համալրելու, ուսումնական պլանում առարկաների փոփոխություններ կատարելու մասին:

 

erablur

Ալեն Մարգարյանի տապանաքարին Ազնավուրի գիրքն էր…

Գնացինք  Եռաբլուր՝ անմահներին այցելության: Ի տարբերություն մեզ՝ տղաները խաղաղ էին, հանդարտ ննջում էին՝ իրենց պարտքը անմնացորդ կատարողի ինքնավստահությամբ: Նրանք հարցեր ու կասկածներ չունեին, քանի որ անմահացել էին հաղթողի գիտակցությամբ: Նախանձելի էր նույնիսկ…

Տապանաքարերի վրայի դաջված շատ անուններ՝ երբեմն խիստ փաղաքշական ու նույնիսկ մանկական, հուշում էին, որ նրանցից շատերը դեռ երեկ աշակերտներ էին և իրենց ծնողների համար ընդմիշտ կմնան որպես Դավո, Լյովիկ, Ապեր կամ Սուրո:

Որոշ տապանաքարերի վրա կոնֆետներ կային, նաև ծխախոտի տուփեր, Արցախի հերոս Ալեն Մարգարյանի տապանաքարին նաև Ազնավուրի գիրքն էր՝ խնամքով դրված անմիջապես նկարի տակ:

Եռաբլուր մտնող ավտոմեքենաներից մեկում հսկայական փուչիկներ նկատեցի՝ 20-ի տեսքով, առջևում նստած սևազգեստ մոր գրկում տորթ էր: Եկել էին զավակի ծննդյան օրը միասին նշելու…

Եռաբլուր զինվորական պանթեոնում զուսպ եռուզեռ է ու  մինչև երկինք հասնող խնկահոտ: Շատերի համար անմահների կացարանն արդեն երկրորդ տուն է դարձել, նրանք այստեղից են ապրելու լիցքեր ու կամք ձեռք բերում՝ քաջերից, անմահներից, առանց որևէ կասկածի հերոսացածներից:

Հավերժ փառք ձեզ:

 

Հարգելի ուսանողներ, գործընկերներ, առաջարկում ենք մասնակցել ՀՀ գլխավոր դատախազության գործընկերությամբ Ռուսաստանի Դաշնության գլխավոր դատախազության կողմից անցկացվող  «Միասին ընդդեմ կոռուպցիայի» թեմայով սոցիալական հակակոռուպցիոն գովազդի միջազգային երիտասարդական մրցույթին: Ի դեպ, այն անցկացվում է ամեն տարի:

Մրցույթին կարող են մասնակցել բոլոր երկրների, այդ թվում նաև Հայաստանի Հանրապետության 14-ից 35 տարեկան քաղաքացիները (ֆիզիկական անձինք կամ ստեղծագործական խմբեր):

Մրցույթի շրջանակներում որպես հակակոռուպցիոն սոցիալական գովազդ պետք է պատրաստել պաստառներ կամ տեսահոլովակներ և մինչև հոկտեմբերի 1-ը ուղարկել www.anticorruption.life պաշտոնական կայքին՝ ըստ համապատասխան կարգավորումների:

Ներկայացվող պաստառներում և տեսահոլովակներում պետք է յուրօրինակ, ինքնատիպ, դիպուկ և տպավորիչ կերպով արտացոլվեն կոռուպցիայի՝ որպես անհանդուրժելի սոցիալական, հասարակական երևույթի կողմերը, ամենատարբեր ոլորտներում դրա դրսևորումների և բացասական հետևանքների, այդ չարիքի դեմ պայքարի, իրավապահ մարմիններից հիմնական ակնկալիքների ու պահանջների, ինչպես նաև այս ոլորտում միջազգային համագործակցության վերաբերյալ հեղինակի պատկերացումները:

Մրցույթն անցկացվում է կոռուպցիայի հակազդման միջազգային համագործակցության շրջանակներում՝ այդ բացասական երևույթի դեմ պայքարի համընդհանուր ընկալման ձևավորման, դրանում երիտասարդության ներգրավվածությունը խրախուսելու նպատակով:

Main News

Հայտարարություններ

Եռօրյա միջազգային վերապատրաստում

02.12.2021
Եռօրյա միջազգային  վերապատրաստում

  «Որակավորումների ազգային շրջանակի ներդնումը ՀՀ բարձրագույն կրթության համ...

Միջազգային սեմինար-վերապատրաստում

30.11.2021
Միջազգային  սեմինար-վերապատրաստում

  Ս.թ. դեկտեմբերի 6-ին տեղի կունենա  միջազգային  սեմինար-վերապատ...