| Working hours | |
|
|
| 09:30 – 17:30 | |
- Home
- News
News
«Միսս ուսանողուհի 2022» մրցույթի հաղթող Նելլի Թումասյանին ջերմորեն ընդունեց հարազատ կրթօջախը
Հունիսի 8-ին կայացած «Միսս ուսանողուհի 2022» մրցույթի հաղթող, Հյուսիսային համալսարանի բժշկական քոլեջի «Քույրական գործ» մասնագիտության առաջին կուրսի ուսանողուհի Նելլի Թումասյանին երեկ մեծ հանդիսավորությամբ ընդունեցին հարազատ կրթօջախում: Նելլին նախ ծաղիկներ խոնարհեց բուհի հիմնադիր ռեկտոր, երջանկահիշատակ Բ. Մակիչյանի կիսանդրուն, այնուհետև մասնակցեց իր պատվին կազմակերպված հանդիսությանը, որին ներկա էին քոլեջի և բուհի ղեկավար կազմը, աշխատակիցներ և ուսանողներ:
Հանդիպումը հուզականորեն խիստ հագեցած էր: Հնչեցին շնորհավորանքի ջերմ խոսքեր, Նելլիին մաղթեցին հաջողություններ և լավագույն երազանքների իրականացում:
Հիշենք նաև, որ Նելլին միաժամանակ արժանացել է երեք այլ մրցանակների՝
1.հաղթող է ճանաչվել Miss Instagram մրցույթում, ինչի համար նրան կտրամադրվի 100.000 դրամ պարգև,
2. N.Ayva էսթետիկ բժշկության կենտրոնի կողմից Նելլիին կտրամադրվի 500.000 դրամի անվճար ուսուցման հնարավորություն,
3.Via uno կոշիկի խանութի կողմից նախատեսված մրցանակին՝ 30.000 դրամի նվեր քարտի:
Իսկ «Միսս ուսանողուհի 2022» մրցույթում առաջին տեղը զբաղեցնելու համար Նելլի Թումասյանին, որպես գլխավոր մրցանակ, տրվել է 500.000 դրամ:
Լրատվության և հասարակայնության հետ կապերի ուսումնապրակտիկ կենտրոն
Հիանալի նորություն...
Հունիսի 8-ին կայացած «Միսս ուսանողուհի 2022» մրցույթի եզրափակիչ փուլում հաղթող է ճանաչվել Հյուսիսային համալսարանի բժշկական քոլեջի «Քույրական գործ» մասնագիտության առաջին կուրսի ուսանողուհի Նելլի Թումասյանը:
Մեր հիասքանչ ներկայացուցիչը միաժամանակ արժանացել է երեք այլ մրցանակների՝
1.հաղթող է ճանաչվել Miss Instagram մրցույթում, ինչի համար նրան կտրամադրվի 100.000 դրամ պարգև,
2. N.Ayva էսթետիկ բժշկության կենտրոնի կողմից Նելլիին կտրամադրվի 500.000 դրամի անվճար ուսուցման հնարավորություն,
3.Via uno կոշիկի խանութի կողմից նախատեսված մրցանակին՝ 30.000 դրամի նվեր քարտի:
Հավելենք նաև, որ «Միսս ուսանողուհի 2022» մրցույթում առաջին տեղը զբաղեցնելու համար Նելլի Թումասյանը որպես գլխավոր մրցանակ կստանա 500.000 դրամ:
Շնորհավորում ենք Նելլիին, մաղթում նորանոր ձեռքբերումներ ու վերելքներ ոչ միայն գեղեցկության ու հմայքի մրցույթներում, այլև մասնագիտական բնագավառում:
Հպարտ ենք և ուրախ:
Լրատվության և հասարակայնության հետ կապերի ուսումնապրակտիկ կենտրոն
Հավաստագրեր հանձնվեցին գիտաժողովի մասնակիցներին
Վերջերս Հյուսիսային համալսարանի իրավագիտության ֆակուլտետի մագիստրատուրայի առկա ուսուցման առաջին կուրսի ուսանողներ Մարինե Հակոբյանը (Հակոբյան Մարի) ու Անի Ալեքսանյանը մասնակցել են Շուշիի տեխնոլոգիական համալսարանի կազմակերպած և 44-օրյա պատերազմում զոհված բուհի ուսանողների հիշատակին նվիրված գիտաժողովին:
Օրերս Շուշիի տեխնոլոգիական համալսարան ռեկտոր Նվեր Միքայելյանը Հյուսիսային համալսարանի ռեկտոր Մհեր Մակիչյանին է փոխանցել հավաստագրեր՝ մեր մասնակից ուսանողներին հանձնելու նպատակով:
Հիշեցնենք, որ գիտաժողովին Անի Ալեքսանյանը ներկայացրել էր «Իրավաբանի դերն ու նշանակությունն իրավական պետության կառուցման գործում», իսկ Մարինե Հակոբյանը՝ «Միջազգային հանցագործությունների համար պատժի և պատասխանատվության հիմնախնդիրները արդի փուլում» զեկույցները:
Ռեկտոր Մ. Մակիչյանը հանդիսավոր կերպով ուսանողներին հանձնեց հավաստագրերը՝ շնորհակալություն հայտնելով դրսևորած ակտիվության համար և հաջողություն մաղթելով հետագա նախաձեռնություններում:
Հյուսիսային համալսարանի գիտահետազոտական կենտրոնի ղեկավար, ի.գ.թ., դոցենտ Ավետիք Հարությունյանը իր խոսքում նշեց, որ հիշյալ գիտաժողովին բուհի ՈՒԳԸ-ի նախագահի և ՈՒԳԸ-ի խորհրդի անդամի մասնակցությունը Հյուսիսային համալսարանի և Շուշիի տեխնոլոգիական համալսարանի միջև 2021թ. դեկտեմբերի 1-ին կնքված համագործակցության հուշագրի կենսագործման հերթական քայլերից մեկն է, ինչը վկայում է Մայր Հայաստան-Արցախ գիտակրթական կապերի ամրապնդման մասին:
Լրատվության և հասարակայնության հետ կապերի ուսումնապրակտիկ կենտրոն
