logo-en

  NORTHERN UNIVERSITY

              irav das          irav das1

                                                               «Ամենադժվար համարձակությունը մտքի համարձակությունն է»

(բաց դաս՝ նվիրված ակադեմիկոս Վլ. Ներսեսյանցի ծննդյան 83-ամյակին)

Հոկտեմբերի 7-ին իրավագիտության ֆակուլտետի մագիստրատուրայի առաջին կուրսում «Իրավունքի փիլիսոփայություն» առարկայի շրջանակներում տեղի ունեցավ բաց դաս՝ նվիրված ակադեմիկոս Վլադիկ Ներսեսյանցի ծննդյան 83-ամյակին: Դասին ներգրավված էին նաև բակալավրիատի երրորդ կուրսի ուսանողներ: Մասնակցում էին իրավագիտության ֆակուլտետի ուսանողներ, դասախոսներ ու վարչական աշխատակիցներ:
Ինչպես նշեց իրավագիտության և հասարակագիտական առարկաների ամբիոնի վարիչ, իրավ. գիտ. թեկնածու, դոցենտ, «Իրավունքի փիլիսոփայություն» առարկայի դասախոս Ա. Հարությունյանը , բաց դասերը իրավագիտության և հասարակագիտական առարկաների ամբիոնի աշխատանքային պլանով նախատեսված են անցկացնել ողջ ուսումնական տարվա ընթացքում, և ակադեմիկոս Վ. Ներսեսյանցին նվիրված դասով ոչ միայն կազդարարվի ամբիոնի, այլև ողջ բուհի բաց դասերի մեկնարկը:
Բովանդակալից ու հագեցած դասի ընթացքում ուսանողները՝ Մանվել Կարապետյանը, Մարի Հակոբյանը, Անի Ալեքսանյանն ու Պերճուհի Հայրապետյանը  ներկայացրին ծնունդով արցախցի, իրավաբանական գիտությունների դոկտոր, պրոֆեսոր, ՌԴ ԳԱ ակադեմիկոս Վլադիկ Ներսեսյանցի կյանքն ու գործունեությունը, անդրադարձան նրա գիտական հետազոտությունների նշանակալից կողմերին: Ելույթ ունեցողները ներկայացրին ակադեմիկոս Վլադիկ Ներսեսյանցի գիտական ժառանգությունը, իրավահասկացողության հիմնական տիպերը, ակադեմիկոսի մշակած ազատական-իրավաբանական և ցիվիլիզմի հայեցակարգերի էությունը։
Ռուսաստանաբնակ գիտնական-իրավաբան, իրավունքի փիլիսոփայության, քաղաքական և իրավական ուսմունքների մասնագետ, իրավունքի փիլիսոփայության, պետության և իրավունքի տեսության, քաղաքական և իրավական ուսմունքների լրջագույն աշխատությունների հեղինակ Վլ. Ներսեսյանցը նաև տաղանդավոր ստեղծագործող էր: Ա. Հարությունյանի պատրաստած սահիկահանդեսը արտացոլում էր մեր տաղանդավոր հայրենակցի մտքի գոհարները.«Ամենադժվար համարձակությունը մտքի համարձակությունն է», «Հաղթահարիր քո մեջ հերոսին», «Եթե Աստված չլիներ, նրան անհնար կլիներ հորինել» և մի շարք այլ մտքեր արժանացան ներկաների ուշադրությանը՝ մղելով նրանց բանավեճի:
Դասի ընթացքում ամբիոնի վարիչ Ա. Հարությունյանը մասնագիտական գրքեր և «Գիտական Արցախ» պարբերականի մեկական օրինակ նվիրեց բանախոսներին, իսկ ավարտին ցուցադրվեց մի հատված ակադեմիկոս Վլ. Ներսեսյանցի՝ ռուսական հեռուստաալիքներից մեկին տված հարցազրույցից:
Բաց դասի մասնակիցները բավականին շատ տեղեկատվություն ստացան անվանի հայորդու գիտական հետազոտությունների, կյանքի և գործունեության մասին, որից կարելի էր եզրակացնել, որ Վլադիկ Ներսեսյանցը դիմել է ամենադժվար համարձակությանը՝ մտքի համարձակությանը:
 
Լրատվության և հասարակայնության հետ կապերի ուսումնապրակտիկ կենտրոն
 
 
                                          chugur1                   chugur2

Շնչելով հրեշտակների բաժինը (դասաժամ գործարանում)

 
Հոկտեմբերի 7-ին Հյուսիսային համալսարանի բակալավրիատի տնտեսագետ ուսանողներն այցելեցին Երևանի գինու, կոնյակի և օղու «Նոյ» գործարան՝ ծանոթանալու գինեգործության տեխնոլոգիաներին և կառավարման համակարգին: Նախնական պայմանավորվածության համաձայն՝ դասը պետք է վարեր պրոֆեսոր Ա. Ճուղուրյանը :
Սակայն ուսանողներին սպասում էր ավելի հաճելի անակնկալ:Նրանց դիմավորեց մի սիրունատես զբոսավար, և այցը կրեց նաև պատմամշակութային բնույթ: Ուսանողներին շատ հետաքրքրեց գործարանի թանգարանը, որտեղ ծանոթացան հայկական կոնյակագործության ակունքներին: Հատկապես տպավորիչ էին գործարանի մառանները, որտեղ հնեցվում էր հայկական անուշահամ կոնյակը: Մառանների օդը հագեցած էր ալկոհոլի զգլխիչ բույրով, որը տակառներից էր գալիս: Զբոսավարը բացատրեց, որ այդ բույրը պայմանավորված է գոլորշացմամբ և կոչվում է «հրեշտակների բաժին»: Պարզվում է, որ հրեշտակները պարբերաբար այցելում են մառաններ և վայելում են անուշաբույր ըմպելիքը, և եթե այդ պահին որևէ մեկը գտնվում է մառանում և երազանք է պահում, ապա այն անպայման իրականանում է: Դե, ուսանողներն էլ առիթը բաց չթողեցին, երազանք պահեցին և ուրախ տրամադրությամբ ավարտեցին իրենց այցելությունը:
 
                                         irazek                                     irazek1
 

ԼԻՆԵՆՔ ԻՐԱԶԵԿՎԱԾ

 
Հոկտեմբերի 5-ին ուսումնական վարչությունն անցկացրեց իրազեկման միջոցառում՝ նվիրված ուսանողների իրավունքներին ու պարտականություններին, բուհի ուսումնական գործընթացի առանձնահատկություններին: Միջոցառմանը մասնակցում էին առկա ուսուցման երկրորդ և երրորդ կուրսի տարբեր ֆակուլտետների ուսանողներ, մարդկային ռեսուրսների կառավարման բաժնի ղեկավար Ս. Սարգսյանը, պրակտիկայի բաժնի ղեկավար Ն. Ավագյանը, վարչական այլ աշխատակիցներ:
Ուսումնական վարչության պետ Հ. Խաժակյանը  սահիկահանդեսի միջոցով ներկայացրեց ուսումնական գործընթացի առանձնահատկությունները, խոսեց քննությունների անցկացման կարգի, բուհի ստորաբաժանումների և դրանց գործառույթների մասին:
Ուսանողները մասնավորապես իմացան, որ՝
 
Համալսարանի ուսանողն իրավունք ունի՝
- արտահայտել սեփական կարծիքը և համոզմունքները, որոնք չեն խախտում այլ անձանց իրավունքներն ու ազատությունները,
- ստանալ գիտելիքների և հմտությունների օբյեկտիվ գնահատում,
- մասնակցել ակումբների, խմբակների և համալսարանական այլ միջոցառումների,
-մասնակցել համալսարանի կառավարման գործընթացին:
Համալսարանի ուսանողը պարտավոր է՝
- բարեխղճորեն յուրացնել կրթական ծրագիրը,
-իրականացնել ինքնուրույն ուսուցում,
-կատարել համալսարանի կանոնադրության պահանջները,
- ենթարկվել ներքին կանոնակարգերին,
- խնամքով վերաբերվել համալսարանի գույքին,
- հարգել համալսարանի այլ ուսանողների և աշխատողների պատիվն ու արժանապատվությունը,
-կատարել առողջության պահպանման և ամրապնդման կանոնները,
- ձգտել բարոյական, հոգևոր և ֆիզիկական զարգացման և ինքնակատարելագործման:
Մյուս բանախոսները՝ Ս. Սարգսյանը , Ն. Ավագյանը, Ս. Ավագյանն ու Աննա Սահակյանն անդրադարձան իրենց ստորաբաժանումների գործառույթներին՝ մանրամասնելով պրակտիկայի անցկացման կարգի, բուհ-գործատու համագործակցային ծրագրերի, արտաքին կապերի և միջազգային համագործակցության, կրկնակի դիպլոմների տրամադրման, գրադարանի գործունեության և մի շարք այլ հարցերի մասին:
Միջոցառման ավարտին մասնակիցներին տրամադրվեց ուսանողների իրավունքների և պարտականությունների վերաբերյալ հուշաթերթիկ:
 
 
Լրատվության և հասարակայնության հետ կապերի ուսումնապրակտիկ կենտրոն
 
 

Main News

Հայտարարություններ

Եռօրյա միջազգային վերապատրաստում

02.12.2021
Եռօրյա միջազգային  վերապատրաստում

  «Որակավորումների ազգային շրջանակի ներդնումը ՀՀ բարձրագույն կրթության համ...

Միջազգային սեմինար-վերապատրաստում

30.11.2021
Միջազգային  սեմինար-վերապատրաստում

  Ս.թ. դեկտեմբերի 6-ին տեղի կունենա  միջազգային  սեմինար-վերապատ...