News

Հրավիրում ենք պատերազմական գործողություններին մասնակցած՝ տնտեսագիտության ֆակուլտետի ուսանողների ուշադրությունը։ Մրցույթին մասնակցելու ժամկետը երկարաձգվել է։ Մանրամասները՝ ստորև։

Աջակցություն պատերազմական գործողությունների մասնակից ուսանողներին

«Բրենդ Լիդեր ՀՁ» ՍՊԸ-ն (լայն սպառման ապրանքների ներմուծմամբ զբաղվող մասնագիտացած առաջատար ընկերություն https://www.brandleader.am/) պատրաստակամություն է հայտնել հովանավորել համալսարանի տնտեսագիտության ֆակուլտետի որևէ ներկայացուցչի, որն ունեցել է անմիջական մասնակցություն պատերազմական գործողություններին: Կազմակերպությունը կհոգա տվյալ ուսանողի առողջական խնդիրների համար անհրաժեշտ բոլոր ծախսերը և կապահովի մասնագիտական աշխատանքով: (Ի դեպ, «Բրենդ Լիդեր» կազմակերպության աշխատակիցներից է բուհի շրջանավարտ Հասմիկ Մովսիսյանը, որի դերակատարումն այս նախաձեռնության մեջ անժխտելի է)։

Վերոնշյալ ծրագրին մասնակցելու համար անցկացվելու է մրցույթ, որի չափորոշիչներն են վիրավորվածության աստիճանը և ՄՈԳ–ը։ Ծրագրի շահառուին ընտրելիս կկարևորվի նաև նրա սոցիալական ապահովվածության աստիճանը: Ուստի հրավիրում ենք համալսարանի տնտեսագիտության ֆակուլտետի՝ պատերազմական գործողություններին մասնակցած բոլոր ուսանողների ուշադրությունը։ Մրցույթի կարգին մանրամասն ծանոթանալու համար կապ հաստատեք Հյուսիսային համալսարանի որակի ապահովման վարչության հետ` գրելով This email address is being protected from spambots. You need JavaScript enabled to view it. էլ․ հասցեին կամ ֆեյսբուքյան էջին/https://www.facebook.com/photo?fbid=242787394087737&set=a.188836246149519։

Կարող եք դիմել նաև վարչության աշխատասենյակ:

Դիմում– հայտերն ընդունվում են հրապարակման պահից՝ 2021.01.15-ից մինչ 31.01.2021։ Տվյալների հավաքագրման գործընթացից հետո տեղի կունենա հարցազրույց՝ վերոնշյալ կազմակերպության ներկայացուցչի/ների/ հետ։

Հարգելի ուսանողներ, սպասում ենք ձեր դիմում–հայտերին։ Պատերազմական գործողություններին մասնակցած բուհի ուսանողների աջակցության ծրագրերը շարունակական բնույթ կկրեն՝ որակի ապահովման վարչության ու լրատվության և հասարակության հետ կապերի բաժնի սերտ համագործակցությամբ:

ՇՆՈՐՀԱԿԱԼ ԵՆՔ ՁԵԶ, ՏՂԵ՛ՐՔ...

Published: 26.01.2021

Հյուսիսային համալսարանում ընդունված՝ դեկանների և ամբիոնի վարիչների ընտությունների կարգի համաձայն՝ հունվարի 19–ին գիտխորհրդի նիստին  փակ գաղտնի քվեարկությամբ ընտրվեցին երեք՝  բանասիրության և մանկավարժության, տնտեսագիտության, կառավարման և ինֆորմատիկայի,  իրավաբանության ֆակուլտետների դեկաններ, ինչպես նաև տնտեսագիտության և կառավարման մանկավարժության և հոգեբանության, գրականության և լրագրության, մաթեմատիկայի, ինֆորմատիկայի և հաշվողական տեխնիկայի ամբիոնների վարիչներ:

 Ողջունելով գիտխորհրդի անդամներին՝ ռեկտոր, գիտխորհրդի նախագահ  Մհեր Մակիչյանը չափազանց կարևոր համարեց այս ընտրություններ՝ նշելով․«Ծրագրային հավատարմագրման գործընթացում գտնվող բուհի համար որակյալ, փորձառություն ունեցող կադրերի առկայությունը էապես կարող է ազդել համալսարանի հետագա գործունեության ու զարգացման վրա։ Իսկ այս պարագայում մենք ընտրելու են կարևոր ստորաբաժանումների ղեկավարների, որոնց համակարգված ու հմուտ աշխատանքի շնորհիվ հնարավոր կլինի հաղթահարել համալսարանի առջև ծառացած դժվարությունները»։

Նշենք, որ ընդունված կարգի համաձայն՝ դեռևս հոկտեմբերի սկզբին համալսարանի մարդկային ռեսուրսների կառավարման բաժինը (ղեկավար՝ Ս․ Սարգսյան) մրցույթ էր հայտարարել վերոնշյալ հաստիքների համար։   Հայտարարությունը զետեղվել էր ինչպես բուհի northern. am պաշտոնական կայքում, այնպես էլ ֆեյսբուքյան էջում։ Հայտ ներկայացրած մասնակիցների միջև մրցութային հանձնաժողովի կողմից անցկացրած մրցույթից հետո ֆակուլտետների դեկանների և ամբիոնի վարիչների թեկնածությունները ներկայացվել են գիտխորհրդի քվեարկությանը:

Նիստին ներկա էին գիտխորհրդի երեսուներեք անդամներից երեսունը։  Ընտրվեց ձայներ հաշվող հաշվիչ հանձնաժողով, որն էլ անցկացրեց փակ գաղտնի քվեարկություն։ Թվական մանրամասները  թողնելով գիտխորհրդի արձանագրությանը՝ նշենք, որ բոլոր թեկնածուները, հավաքելով ձայների գերակշիռ մեծամասնություն, դարձյալ վերընտրվեցին իրենց պաշտոններում։ Նրանց հետ աշխատանքային պայմանագրեր կկնքվեն երեք տարի ժամկետով։

Այսպիսով, գիտխորհրդի հունվարի 19–ի նիստում փակ գաղտնի քվեարկությամբ ընտրված դեկաններն են՝

• Մերի Այվազյան, բանասիրության և մանկավարժության ֆակուլտետ,
• Քրիստինե Բայրամյան, տնտեսագիտության, կառավարման և ինֆորմատիկայի ֆակուլտետ,
• Լիաննա Հակոբյան, իրավաբանության ֆակուլտետ:

Ամբիոնի վարիչներն են՝

• Արմեն Ճուղուրյան, տնտեսագիտության և կառավարման ամբիոն,
• Նաիրուհի Սարգսյան, մանկավարժության և հոգեբանության ամբիոն
• Նունե Մկրտչյան, լեզուների, գրականության և լրագրության ամբիոն
• Մանուշակ Գրիգորյան, մաթեմատիկայի, ինֆորմատիկայի և հաշվողական տեխնիկայի ամբիոն:

Շնորհավորում ենք բոլորին, մաղթում արգասավոր գործունեություն, ուժ ու եռանդ՝ հետագայում ևս իրենց ներդրումն ունենալու Հյուսիսային համալսարանի զարգացման գործում:

Լրատվության և հասարակայնության հետ կապերի ուսումնապրակտիկ կենտրոն

Published: 22.01.2021

Northern University has joined a 4-month project called “Capacity Building in QA of HEIs in Armenia”. The project is coordinated by the ANCA and is financed by UNESCO.

The project aims at supporting the HEIs towards the reinforcement of the internal quality assurance and preparing universities for the accreditation process. As a result, HEIs will improve their self-assessment skills and strengthen the continuous enhancement of quality culture.

During the ongoing months, there will be capacity building training for stakeholders. Then the universities will conduct a SWOT analysis. Preliminary evaluation, site visit, and enhancement report will follow.

The peculiarity of the program is that specialists from the evaluated university will be included in the expert group as external evaluators. Thus, a certain circle of specialists will be formed in each university, who have seen the activities and problems of their educational institution as external evaluators. They will be involved in further enhancement processes to review and address identified issues.

Source  https://bit.ly/393ajye

Published: 22.01.2021