logo-en

  NORTHERN UNIVERSITY

2 1    

Հովհաննես Թումանյանի ծննդյան օրվան նվիրված գիրք  նվիրելու տոնը վերջին տարիներին մեզ համար դարձել է լավագույն տոներից մեկը: Հյուսիսային համալսարանի  և  ավագ դպրոցի համար այն նշելը առանձնահատուկ կարևորություն է ձեռք բերել, քանի որ բուհում 2008 թվականից գործում է թումանյանական «Վերնատուն» գիտահետազոտական կենտրոնը, որի գործունեությունը միտված է եղել Ամենայն հայոց բանաստեղծի հիշատակը վառ պահելուն, Թումանյանի գործն ու կյանքի հետաքրքիր, ուսանելի դրվագները նաև երիտասարդ սերնդին հասանելի ու սիրելի դարձնելուն։ Թումանյանի հանդեպ ունեցած սերը Հյուսիսային համալսարանի ավագ դպրոցի սաները դրսևորեցին անչափ հետաքրքիր և ուսանելի միջոցառմամբ՝ գրական–երաժշտական կոմպոզիցիայով, որին ներկա էին բուհի ռեկտոր Մհեր Մակիչյանը, ավագ դպրոցի տնօրեն Արմինե Սարգսյանը, ուսուցիչներ, վարչական այլ աշխատակիցներ։

Ներկաներին հիացրին ավագ դպրոցի սաների ինքնաբուխ, զգացմունքային կատարումները թումանյանական թեմաներով՝ երգ, պար, ասմունք։ Հնչեցին մեծ բանաստեղծի թևավոր խոսքերը գրքի, մարդու կոչման, մարդ մնալու կարևորության, հայրենիքի հանդեպ սիրո անհրաժեշտության մասին, ինչպես նաև հայ և համաշխարհային մեծերի՝ Թումանյանին տրվող բնութագրումները։

Միջոցառումն ուղեկցվում էր սահիկահանդեսով, ինչի շնորհիվ ներկաները  հնարավորություն  ունեցան վայելելու Թումանյանի ստեղծագործությունների գունագեղ աշխարհը ՝ արտացոլված կերպարվեստում և երգարվեստում։

Ակնհայտ էր ավագ դպրոցի սաների պատասխանատու  վերաբերմունքը ոչ միայն միջոցառմանը։ Նրանք հաճելի և օգտակար անակնկալ էին պատրաստել՝ բուհի գրադարանին նվիրելով գրքեր։

 Աչք էր շոյում նաև օրվա խորհրդին համապատասխան ձևավորված գրադարանը։ Հեղինակները դարձյալ ավագ դպրոցի սաներն էին։

Միջոցառման ավարտին բուհի ռեկտոր Մհեր Մակիչյանն իր շնորհակալական խոսքն ուղղեց դպրոցի սաներին՝ բովանդակալից միջոցառման համար՝ հորդորելով նրանց շատ կարդալ և հնարավորինս շատ օգտվել համալսարանի նյութատեխնիկական ռեսուրսներից՝ մշտապես  կատարելագործելով իրենց գիտելիքները։

Մենք ևս շնորհակալություն ենք հայտնում ավագ դպրոցի սաներին, տնօրինությանը և միջոցառման բարձր մակարդակին նպաստող բոլոր թումանյանասերներին։ Մի բան ակնհայտ էր՝ ավագ դպրոցի սաները թումանյանական ոգու կրողներն են։

Հյուսիսային համալսարանի լրատվության և հասարակայնության հետ կապերի ուսումնապրակտիկ կենտրոն

56

 

Հյուսիսային համալսարանի գրադարանը կհամալրվի մասնագիտական գրքերով

Այս անգամ գիրք նվիրելու և Թումանյանի ծննդյան առթիվ կազմակերպվող միջոցառման նախապատրաստական աշխատանքները չսկսվեցին մեկ ամիս առաջ, չգրվեց հատուկ սցենար, չկազմվեց հյուրերի ցուցակ, ծաղկեպսակ չպատվիրեցինք՝ Ամենայն հայոց բանաստեղծի հուշարձանին դնելու համար, «Կենտրոն» հեռուստաընկերության եթերով ռեպորտաժ չհեռարձակվեց մեր մասին: Ամեն ինչ այնքան ինքնաբուխ ու անմիջական ստացվեց, այնքան հետաքրքիր ու ջերմ, ասես հոբելյարին շնորհավորելու էին եկել միայն ամենամտերիմները՝ հատուկ ճշտելով, թե ինչպիսի նվեր կցանկանար օրվա հերոսը: Եվ ինչպես միշտ, հոբելյարի համար ամենաթանկ նվերը գրքերն էին, որոնցով բեռնավորված էլ համալսարանի աշխատակիցները մուտք գործեցին գրադարան՝ նշելու, հիշելու, բարեմաղթելու:
Հյուսիսային համալսարանում այս փետրվարի 19–ը՝ Հ. Թումանյանի ծննդյան օրը,  փոքր–ինչ տարբերվում էր նախորդ տարիների  ծննդյան օրերից. մեզ հետ չէր բուհի հիմնադիր ռեկտոր Բորիս Մակիչյանը, որը Ամենայն հայոց բանաստեղծին առնչվող յուրաքանչյուր միջոցառում վերածում էր կատարյալ տոնակատարության։ Բուհի աշխատակազմը և ուսանողությունը հավաքվեց՝ պահպանելով բարի ավանդույթը, նաև հիշելով և արժևորելով թումանյանագիտության զարգացման գործում երջանկահիշատակ ռեկտորի մեծ ավանդը։

Միջոցառման բացման խոսքում ռեկտոր Մ. Մակիչյանը կարևորեց այն հանգամանքը, որ բուհում շարունակվում են լավագույն ավանդույթները, իսկ գիրք նվիրելու տոնը և Թումանյանի ծննդյան օրը առանձնահատուկ է նրանով, որ  հնարավորություն է տալիս ոչ միայն մտերիմներին նվիրել նրանց սիրելի հեղինակների գրքերը, այլև բուհի գրադարանը հարստացնել անհրաժեշտ գրականությամբ։

Ռեկտորը անչափ կարևորեց համալսարանի գրադարանի շարունակական համալրման գործընթացը հատկապես մասնագիտական գրքերով։ Նա նշեց, որ ամեն ինչ կարվի գրադարանը փուլ առ փուլ համալրելու, հարստացնելու նոր գրքերով՝ նպաստելով ուսանողների և բուհի գրադարանի կապի  սերտացմանը։

 Այնուհետև մասնակիցները գրադարանին նվիրեցին մասնագիտական ու գեղարվեստական գրքեր՝ հիմնավորելով իրենց  ընտրությունը, խոսելով գրքի արժեքի ու կարևորության մասին: Գրադարանավարուհի Աննա Բալյանը նշեց, որ համավարակով և պատերազմական իրավիճակով պայմանավորված ընթերցողների պասիվությունը աստիճանաբար նվազում է, որ ուսանողներն ավելի հաճախ են դիմում գրադարան՝ վերցնելով ինչպես մասնագիտական գրքեր, այնպես էլ գեղարվեստական գրականություն: Տիկին Բալյանն ամփոփեց ավանդույթ դարձած «Լավագույն ընթերցող» մրցույթը՝ հաղթողին նվիրելով ամենաթանկը՝ գիրք:

...Այս անգամ գիրք նվիրելու և Թումանյանի ծննդյան առթիվ կազմակերպվող միջոցառման նախապատրաստական աշխատանքները չսկսվեցին մեկ ամիս առաջ, չգրվեց հատուկ սցենար, չկազմվեց հյուրերի ցուցակ, ծաղկեպսակ չպատվիրեցինք՝ Ամենայն հայոց բանաստեղծի հուշարձանին դնելու համար, «Կենտրոն» հեռուստաընկերության եթերով ռեպորտաժ չհեռարձակվեց մեր մասին: Ամեն ինչ այնքան ինքնաբուխ ու անմիջական ստացվեց, այնքան հետաքրքիր ու ջերմ, ասես հոբելյարին շնորհավորելու էին եկել միայն ամենամտերիմները՝ հատուկ ճշտելով, թե ինչպիսի նվեր կցանկանար հոբելյարը: Եվ ինչպես միշտ, նրա համար ամենաթանկ նվերը գրքերն էին, որոնցով բեռնավորված էլ համալսարանի աշխատակիցները մուտք գործեցին գրադարան՝ նշելու, հիշելու, բարեմաղթելու:

Հյուսիսային համալսարանի լրատվության և հասարակայնության հետ կապերի ուսումնապրակտիկ կենտրոն

arka usucum

 

Վերադարձանք լսարանային ուսուցման՝ հիմք ընդունելով ԿԳՄՍ նախարարության թիվ 01/11.2/742-2021 գրությունը, որով   2020/2021 ուստարվա 2–րդ կիսամյակի դասապրոցեսները առաջարկվեց կազմակերպել առկա ռեժիմով։

Միաժամանակ, ըստ անհրաժեշտության, հաշվի առնելով առարկայի առանձնահատկությունը և հիմք ընդունելով դասավանդող դասախոսի առաջարկությունը, վերոնշյալ առարկաների դասախոսությունների դասավանդումը կանցկացվի առցանց ռեժիմով։ Դեկանների կողմից նախապես համաձայնեցվելով համալսարանի ուսումնական վարչության և հեռավար ուսուցման և տեխնոլոգիական կառավարման բաժնի հետ՝  մինչ երկրորդ կիսամյակի սկիզբը կազմվել են հիբրիդային դասացուցակները, որոնցով այսօր բարեհաջող կերպով ընթացել են դասերը։

Երկրորդ կիսամյակի նախօրեին կայացած ռեկտորատի նիստում որոշում ընդունվեց Ալավերդու բաժանմունքում դասապրոցեսները և քննությունները նույնպես անցկացնել առկա ռեժիմով, բացառությամբ այն առարկաների, որոնց առկա ռեժիմով դասավանդման գործընթացում հնարավոր չի լինի ապահովել ուսանողական համակազմի արդյունավետ ընդգրվածություն (համավարակային, հետպատերազմյան իրավիճակով պայմանավորված խնդիրներ)։ Այս դեպքում դասապրոցեսները կկազմակերպվեն առցանց՝ Ալավերդու բաժանմունքի ղեկավարի կողմից գործընթացը նախապես համաձայնեցնելով համալսարանի ուսումնական վարչության և հեռավար ուսուցման և տեխնոլոգիական կառավարման բաժնի հետ:

Միաժամանակ քննարկվեց Ալավերդու բաժանմունքի 65–ից բարձր տարիք ունեցող ինքնամեկուսացման կամ վարակվածության շրջանում  գտնվող դասախոսների կողմից առկա ռեժիմով դասապրոցեսները կազմակերպելու հարցը։ Որոշում ընդունվեց դասավանդման  անհնարինության դեպքում նրանց փոխարինել այլ դասախոսներով։   Հակառակ դեպքում դասապրոցեսները կազմակերպել առցանց՝ Ալավերդու բաժանմունքի ղեկավարի կողմից գործընթացը նախապես համաձայնեցնելով համալսարանի ուսումնական վարչության և հեռավար ուսուցման և տեխնոլոգիական կառավարման բաժնի հետ:

Հաշվի առնելով դասավանդվող առարկաների առանձնահատկությունը՝ որոշվեց Ալավերդու բաժանմունքում Երևանի դասախոսների կողմից դասավանդվող դասախոսությունները  կազմակերպել առցանց ռեժիմով՝ Ալավերդու բաժանմունքի ղեկավարի կողմից գործընթացը նախապես համաձայնեցնելով համալսարանի ուսումնական վարչության և հեռավար ուսուցման և տեխնոլոգիական կառավարման բաժնի հետ:

Խորհրդակցության ընթացքում որոշվեց Երևանում և Ալավերդու բաժանմունքում միջանկյալ քննությունները անցկացնել դասապրոցեսների անցկացման ձևաչափին համապատասխան, իսկ քննությունների կազմակերպման ձևաչափը կորոշվի քննություններին նախորդող երկշաբաթյա ժամանակահատվածում՝ պայմանավորված տվյալ ժամանակահատվածում գործող հնարավոր սահմանափակումներով։

Երևանում և Ալավերդու բաժանմունքում առկա դասապրոցեսների տևողությունը նախատեսվեց 80 րոպե, առցանցը՝ 60 րոպե։

Որոշվեց նաև 2020-2021 ուստարվա առաջին կիսամյակում կատարված աշխատանքների հաշվետվությունները ներկայացնել կիսամյակի ավարտից 10– օրյա ժամկետում՝ տրված ձևաչափին համապատասխան։

Հյուսիսային համալսարանի ռեկտորատ

Main News

Հայտարարություններ

Հյուսիսային համալսարանը հայտարարում է ռեկտորի գործավարի թափուր հաստիքի մրցույթ

30.04.2021
Հյուսիսային համալսարանը հայտարարում է ռեկտորի գործավարի թափուր հաստիքի մրցույթ

    Հյուսիսային համալսարանը հայտարարում է ռեկտորի գործավարի թափուր հա...

Աշխատանքի նոր հնարավորություն մեր ուսանողներին

15.03.2021

Հյուսիսային համալսարանի պրակտիկայի և կարիերայի կենտրոնի գործառույթներից է նպաստե...