Ինչպես դառնալ պոլիգլոտ
Ս.թ. սեպտեմբերի 30-ին, ժամը 13:00, տեղի կունենա բանաժողով՝ նվիրված Լեզուների եվրոպական օրվան՝ «Ինչպե՞ս դառնալ պոլիգլոտ» խորագրով:
Լեզուների եվրոպական օրը նշվում է ամեն տարի սեպտեմբերի 26-ին, իսկ այս տարի տոնի տասներորդ ամյակն է: Օրվա հիմնական նպատակն է խրախուսել տարբեր լեզուների ուսումնասիրությունը և յուրացումը ինչպես դպրոցներում, այնպես էլ դրանցից դուրս՝ մարդու ամբողջ կյանքի ընթացքում։
Միջոցառման ընթացքում կքննարկվեն լեզուների ծագումնաբանությանը վերաբերող բազմաթիվ հարցեր, կներկայացվեն պատմություններ անվանի պոլիգլոտների կյանքից, կանցկացվի փոքր մրցույթ:
Միջոցառումը կվարի Հյուսիսային համալսարանի ուսումնահետազոտական և միջազգայնացման գծով պրոռեկտոր, բանասիրական գիտությունների դոկտոր, պրոֆեսոր Լուսինե Ֆլջյանը:
Բանաժողովը նախատեսված է Հյուսիսային համալսարանի ավագ դպրոցի աշակերտների և բժշկական քոլեջի ուսանողների համար:
«Ինչպե՞ս» դառնալ պոլիգլոտ» խորագրով միջոցառումը տեղի կունենա համալսարանի մեծ դահլիճում (6-րդ հարկ):
