logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

                                                                          rshtuni   rshtuni1

Համագործակցություն Լեհաստանի Ժեշուվի համալսարանի հետ

2018թ. ուսումնական տարվա սկիզբը կարևորվեց նոր համագործակցության առաջարկով: Հյուսիսային համալսարանը  «Erasmus +» KAY Action 1 ծրագրի շրջանակներում նոր միջինստիտուցիոնալ պայմանագիր կնքեց Լեհաստանի Ժեշուվի համալսարանի հետ, որի  համաձայն պետք է իրականացվեր դասախոսների և ուսանողների շարժունություն երկու բուհերի միջև:  Համաձայնագրի շրջանակներում փետրվարի 18-22-ին իրականացվեց  մեկ դասախոսի փոխանակում: Ռոմանագերմանական և ռուս բանասիրության  ամբիոնի վարիչ, փոխանակման ծրագրի մասնակից Ք. Ռշտունին կիսեց իր տպավորությունները. «Erasmus+» Key Action 1 ծրագրի շրջանակներում  փետրվարի 18-22 ընկած ժամանակահատվածում  ինձ հնարավորություն ընձեռվեց «Գործնական անգլերեն» դասընթացի 8 ժամ (4 մուտք) պարապել  Ժեշուվի համալսարանի անգլերենի բանասիրության ֆակուլտետի առաջին կուրսի չորս խմբերի հետ  (յուրաքանչյուր խմբում՝ 20 հոգի)։ Դասընթացի ընտրությունը կատարվել է հենց Ժեշուվի համալսարանի կողմից, այնուհետև ինքս պատրաստվել եմ համապատասխան նյութերը՝ «Արտաքին և բնավորություն», «Ավանդույթներ», «Կրթություն», «Կին և տղամարդ, մարդիկ և իշխանություն» թեմաներով և միջմշակութային հաղորդակցության բաղադրիչով, որոնք բաղկացած էին չորս մասից` ընթերցանություն,  բանավոր խոսք/քննարկում, քերականություն և տեսահոլովակ/տեսանյութ, որի նպատակն էր ստուգել ուսանողների օտար լեզուն լսելու և ընկալելու կարողությունները։ Լսարանը կահավորված էր գրատախտակով, պրոյեկտորով, տրամադրվեց համակարգիչ՝ տեսանյութերի դիտումն ապահովելու համար։

Հարկ եմ համարում շեշտել, որ համալսարանի համապատասխան աշխատակիցների, դասախոսական կազմի կողմից արժանացել եմ ջերմ ընդունելության և ընկերական վերաբերմունքի, զգացել նրանց աջակցությունն ու օժանդակությունը բոլոր հարցերում:

 tummij tummij0 tummij1

(Հյուսիսային համալսարանում մեկնարկել են թումանյանական միջոցառումները)

 

Փետրվարի 20-ին Հյուսիսային համալսարանում Հ. Թումանյանի ծննդյան 150-ամյակին նվիրված հանդիսությամբ մեկնարկեց թումանյանական տարին: Ուսանողներով, դասախոսներով ու հյուրերով լեփ-լեցուն դահլիճում թևածում էր Ամենայն հայոց բանաստեղծի ոգին, հնչում էին նրա բանաստեղծությունները:

Բացման խոսքով հանդես եկավ բուհի ռեկտոր Բ. Մակիչյանը` նշելով. «Հովհաննես Թումանյանի գործունեությունը դժվար է գնահատել մեկ հոդվածի, մեկ ելույթի սահմաններում, քանզի անչափելի է ոչ միայն Ամենայն հայոց բանաստեղծի գրական ստեղծագործության, այլև հասարակական գործունեության նշանակությունը հայոց կյանքում: Հենց Թումանյանը «դարձավ իր ապրած շրջանի գրական կյանքի ղեկավարն ու շարժիչ ուժը, իր պետականությունը չունեցող երկրի պետական գործիչը»: Լինելով լայնախոհ մտավորական, իր ժողովրդի  հոգսերով ու խնդիրներով ապրող հայ քաղաքացի՝ նա մեծ մասնակցություն ունեցավ հասարակական կյանքի բոլոր ոլորտներում, խորաթափանցորեն զգաց, կանխատեսեց ու նախանշեց հայ գրականության գալիք ընթացքը՝  հայ ժողովրդի զարգացման գործում կարևորելով կրթության ու գիտության դերը: Եվ հրապարակային ելույթներում ու զրույցներում, և հրապարակախոսական հոդվածներում Թումանյանը մշտապես անդրադարձել է հայ պարմանիների կրթության կազմակերպման խնդիրներին՝ որպես մեր ժողովրդի առաջընթացի գրավական»:

Միջոցառմանը ելույթով հանդես եկան ՀՀ ԱԺ փոխնախագահ, Հյուսիսային համալսարանի լավագույն բարեկամ Վահե Էնֆիաջյանը, Հերացու անվան պետական բժշկական համալսարանի հայոց լեզվի և բժշկական տերմինաբանության ամբիոնի վարիչ, դոցենտ Հենրիետտա Սուքիասյանը, Հյուսիսային համալսարանի ավագ դպրոցի տնօրեն Արմինե Սարգսյանը, այլք: «Թումանյան-150» հուշամեդալով պարգևատրվեցին Վ. Էնֆիաջյանը, Հ. Սուքիասյանը (հուշամեդալը տրվում է թումանյանագիտության ոլորտում որոշակի ավանդ ունեցող գործիչներին):

Միջոցառման ավարտին իրենց ելույթով ներկաներին հիացրեցին Մ. Հերացու անվան պետական բժշկական համալսարանի «Վերնատուն» գիտամշակութային կենտրոնի «Վերնատուն» համույթի հնդիկ ուսանողները, որոնց հայեցի խոսքն ու երգը դահլիճին փոխանցեց Ամենայն հայոց բանաստեղծի անմահ ստեղծագործության ոգին: Գրական-երաժշտական կոմպոզիցիայով հանդես եկան նաև Հյուսիսային համալսարանի ավագ դպրոցի սաները(ուսուցչուհի՝ Ն. Պողոսյան):

    tummij2  tummij3  tunnij

 

tum150

Թումանյան-150

Այսօր Հ. Թումանյանի ծննդյան 150-ամյակի կապակցությամբ Հյուսիսային համալսարանի դասախոսական և ուսանողական կազմը՝ ռեկտոր Բ. Մակիչյանի գլխավորությամբ, Լոռվա ձոր հասարակական կազմակերպության նախագահ Ս. Երիցյանի,  գրողների միության նախագահ Էդ. Միլիտոնի մասնակցությամբ, ծաղկեպսակ դրեցին գրողի՝Ազատության հրապարակում գտնվող հուշարձանին: Ողջունելով մասնակիցներին՝ ռեկտոր Բ. Մակիչյանը նշեց, որ  2009 թ.  Հյուսիսային համալսարանում ստեղծված թումանյանական «Վերնատուն» գիտական (ներկայումս՝ գիտամշակութային) կենտրոնի գործունեությունն ուղղված է եղել Ամենայն հայոց բանաստեղծի կյանքի ու ստեղծագործության ուսումնասիրությանը, նրա հոգևոր ժառանգության տարածմանը: Իսկ Թումանյանի կյանքի յուրաքանչյուր հիշարժան դրվագ բուհում նշվում է առանձնահատուկ շուքով: Իր խոսքում Բ. Մակիչյանն անդրադարձավ այն միջոցառումներին, որոնք նախաձեռնել  է բուհի  ղեկավարությունը թումանյանական տարվա կապակցությամբ՝ հատկապես կարևորելով  «Թումանյան-150» հոբելյանական հուշամեդալի հիմնադրումը (այն կտրվի թումանյանագիտության ոլորտում զգալի ներդրում ունեցող գործիչներին),  «Հյուսիսային համալսարան» պաշտոնաթերթի  «Թումանյան-150» հավելվածի տպագրումը,   համալսարանի դասախոսների և ուսանողների պատվիրակության այցելությունը Թումանյանի Դսեղիտուն-թանգարան (ի դեպ, փետրվարի 19-ին Դսեղ գյուղում կազմակերպվելիք թումանյանական միջոցառումների հանդիսավոր արարողության ընթացքում Հյուսիսային համալսարանի «Թումանյան-150» հուշամեդալով կպարգևատրվեն ՀՀ գրողների միության նախագահ Էդվարդ Միլիտոնյանը, բարեգործ Գագիկ Ծառուկյանը, ինչպես նաև Դսեղի և Երևանի Թումանյանի թանգարանները, իսկ Ազգային ժողովի պատգամավոր Վահե Էնֆիաջյանի, ինչպես նաև Հյուսիսային համալսարանի գիտական հետազոտությունների, նորարարական ծրագրերի և հետբուհական մասնագիտական կրթության կենտրոնի ղեկավար Գ․ Ասատրյանի և համալսարանի լրատվության և հասարակայնության հետ կապերի բաժնի ղեկավար Գ․ Հակոբյանի հուշամեդալները կհանձնվեն փետրվարի 20-ին Հյուսիսային համալսարանում կազմակերպվող «Թումանյան-150» միջոցառման ընթացքում։ 
Ռեկտորը նշեց նաև, որ  փետրվարի 20-ին համալսարանում կանցկացվի հոբելյանական հանդիսություն՝տարաբնույթ զեկուցումներով ու գեղարվեստական մասով: Բ. Մակիչյանը հատկապես կարևորեց ապրիլին կազմակերպվող «Հ. Թումանյանի հոգևոր ժառանգությունը և արդիականությունը» խորագրով միջազգային գիտաժողովը:Հյուսիսային համալսարանի ռեկտորը «Լոռվա ձոր» ՀԿ նախագահ Ս. Երիցյանին փոխանցեց  թումանյանական նյութերի փաթեթը՝ փետրվարի 19-ին Թբիլիսիում անցկացվելիք հանդիսավոր արարողությանը ներկայացնելու համար: Փաթեթը ներառում է բուհում վերջին տարիներին կազմակերպված թումանյանական գիտաժողովների նյութերն ու «Թումանյան-150» հոբելյանականհուշամեդալները, որոնք պետք է հանձնվեն Ժորա Սնխչյանին՝բանաստեղծ, թարգմանիչ, հասարակական գործիչ, Վրաստանի հայ գրողների «Վերնատուն» միության նախագահ, Վիրահայոց թեմի «Ռաֆայել Ջավախ» կրթամշակութային, երիտասարդական կենտրոնի ղեկավար, Էմմա Ախտյանին՝բանասիրական գիտությունների թեկնածու, «Հայկական գիտահետազոտական ասոցիացիա Վրաստանում» կազմակերպության ղեկավար, «Արևիկ» մանկական բարեգործական հիմնադրամի և համանուն ամսաթերթի հիմնադիր-ղեկավար, Սուլխան-Սաբա Օրբելիանու անվան պետական մանկավարժական համալսարանի երկարամյա դասախոս, պրոֆեսոր, հայոց լեզվի և գրականության ամբիոնի վարիչ, համալսարանի Հովհաննես Թումանյանի անվան կաբինետի ղեկավար և Արմեն Բայանդուրյանին՝Թբիլիսիի Պետրոս Ադամյանի անվան պետհայդրամ թատրոնի գեղարվեստական ղեկավար:

Հայտարարություններ

Թափուր աշխատատեղ

28.11.2019
Թափուր աշխատատեղ

Հյուսիսային համալսարանը հայտարարում է մրցույթ Մարդկային ռեսուրսների  կառավ...

Թափուր աշխատատեղ

28.11.2019
Թափուր աշխատատեղ

Հյուսիսային համալսարանը հայտարարում է մրցույթ Ուսումնական  վարչության գլխա...

Գլխավոր նորություններ