logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

MachkalyanSmall

«Օտար լեզու» մասնագիտության առաջին կուրսում այսօր տեղի ունեցավ բաց դաս «Մանկավարժի բանավոր խոսքի հաղորդակցման մշակույթ»  դասընթացի շրջանակներում: Թեման՝  «Ճանաչիր Հայաստանը»: Ինչպես իր խոսքում նշեց դասախոս, խոսքի վարպետ Մ. Մաճկալյանը, դասը մի քանի նպատակ էր հետապնդում՝ սովորել ճիշտ ներկայանալ լսարանի առաջ, պահպանել ուղղախոսական և շարահյուսական կանոնները, ճիշտ օգտվել համացանցի անսպառ տեղեկատվական դաշտից, անհրաժեշտ նյութերից զատել գլխավորն ու երկրորդականը և կենդանի, պատկերավոր խոսքով ներկայացնել տեքստը ունկնդիրներին:

Դասի թեմայի ընտրությունը պայմանավորված էր ուսանողների նախասիրությամբ. Պարզվեց՝ օտար լեզվի առաջին կուրսի ուսանողները իրենց ապագան տեսնում են զբոսաշրջության ոլորտում, ուստի նրանցից յուրաքանչյուրը ներկայացնում էր Հայաստանի որև տեսարժան վայր: Ուսանողների գեղեցիկ, արտահայտիչ խոսքի շնորհիվ մասնակիցների առջև նոր գույներով ներկայացան Սյունիքը, Տավուշը, Գյուրին: Բոլորիս հայտնի եկեղեցիներն  ու վանական համալիրները ուսանողների պատկերավոր ու անկաշկանդ խոսքի շնորհիվ նոր շունչ ստացան:

 Ուսանողներին հաջողվել էր նաև իրագործել դասի կարևոր նպատակներից մեկը՝ ներկայանալ անկաշկանդ, այնպես, կարծես թե իրենք վաղուց ի վեր զբոսաշրջության ոլորտում են և պատկերավոր խոսքով ավելի շատ զբոսաշրջիկ գրավել դեպի իրենց նախընտրած վայրերը: Իսկ վերջում բաց դասի մասնակիցների առջև գեղեցիկ ձևավորված սեղան էր՝ յուրաքանչյուր տարածաշրջանին բնորոշ ուտեստներով:

Դասի մասնակիցները շնորհակալություն հայտնեցին ուսանողներին՝ այսքան կարճ ժամանակահատվածում այսպիսի տպավորիչ դաս կազմակերպելու համար, իսկ դասախոս Մարինե Մաճկալյանին էլ ուղղվեցին  ջերմ խոսքեր՝ նման արդյունքի համար:

 

Լրատվության և հասարակայնության հետ կապերի բաժին

bakur Small

Հանդիպում միջազգային փոխանակման «Erasmus+ KA 107»  ծրագրի մասնակիցների հետ

Հյուսիսային համալսարանում կազմակերպվել էր հանդիպում միջազգային փոխանակման՝ «Erasmus+ KA 107»  ծրագրի մասնակիցներ, համալսարանի տնտեսագիտության և կառավարման ամբիոնի դասախոսներ Հարություն Խալաթյանի, Բակուր Մարտիրոսյանի  և  համալսարանի պրոֆեսորա-դասախոսական անձնակազմի հետ:

Հյուսիսային համալսարանի և Լեհաստանի Լեշնոյի բարձրագույն կրթության դպրոցի միջև կնքված համագործակցության շրջանակներում համալսարանի դասախոս Հարություն Խալաթյանը Լեշնոյի համալսարանի ուսանողների համար անցկացրել էր  դասախոսության շաբաթ՝ «Տտնտեսական աշխարհագրություն» թեմայով: Իսկ Բակուր Մարտիրոսյանը, դարձյալ նույն ծրագրի շրջանակում, հոկտեմբերի 7-11-ը դասախոսություններով հանդես էր եկել Լեհաստանի Լեշնո քաղաքի Յան Ամոս Կոմենսկու անվան համալսարանում:

Նրանք ներկաներին փոխանցեցին իրենց ձեռք բերած փորձը, խոսեցին հայ և օտարերկրացի ուսանողների, տեղական և միջազգային բուհերի տարբերությունների մասին՝ իրենց խոսքում կարևորելով այն միտքը, որ նմանատիպ ծրագրերին մասնակցությունը շատ կարևոր է բուհերի միջազգայնացման համար: Իսկ դասախոսների համար՝ հիանալի հնարավորություն է նոր հմտություններ ձեռք բերելու և մասնագիտական կարողությունները կատարելագործելու առումով:

 

Լրատվության և հասարակայնության հետ կապերի բաժին

eras2                  erasmus1

«Համալսարաններում միջազգայնացման խթանումը՝ անձնակազմի շարժունության միջոցով»

Նոյեմբերի 25-26-ը  տեղի ունեցավ տարածաշրջանային սեմինար և վերապատրաստում «Համալսարաններում միջազգայնացման խթանումը՝ անձնակազմի շարժունության միջոցով» թեմայով՝ Հայաստանի, Վրաստանի, Մոլդովայի, Ուկրաինայի Էրազմուս+ Բարձրագույն կրթության բարեփոխումների փորձագետների (ԲԿԲՓ) մասնակցությամբ:  Տարածաշրջանային սեմինարը և վերապատրաստումն իրականացնելու նպատակով Հայաստան էին ժամանել միջազգային փորձագետներ Ֆրանչեսկա Վալենտեն և Ռոմինա Կնյազը, որոնք ՀՀ բուհերի ներկայացուցիչներին և հյուրերին ներկայացրեցին Իտալիայի Բոլոնիայի համալսարանի փորձը:   Էրազմուս+ ազգային գրասենյակի ղեկավար Լանա Կառլովան բացման խոսքում ներկայացրեց Հայաստանի և Արևելյան գործընկերության երկրների բարձրագույն կրթական համակարգերի միջազգայնացման հետ կապված առկա ընդհանուր խնդիրները: Սեմինար- հանդիպմանը Հյուսիսային համալսարանից մասնակցում էին համալսարանի ուսումնահետազոտական և բարեփոխումների գծով պրոռեկտոր Լուսինե Ֆլջյանը, լրատվության և հասարակայնության հետ կապերի բաժնի մասնագետ Արփինե Ալեքսանյանը և արտաքին կապերի բաժնի մասնագետ Անի Թամազյանը: Հյուսիսային համալսարանի պրոռեկտոր Լուսինե Ֆլջյանը, ներկայացնելով արտասահմանյան 15 բուհերի շրջանակում իր կատարած  հետազոտությունը, կարևորեց բուհերի ռազմավարական ծրագրերում օտար լեզվով կրթական ծրագրեր իրականացնելու վերաբերյալ հատուկ ծրագիր ունենալը, որի շրջանակում պետք է կատարվեն համապատասխան ծրագրային և բովանդակային փոփոխություններ: Նա նաև ներկաների ուշադրությանը ներկայացրեց հետազոտության արդյունքում լավագույն ցուցանիշներ ունեցող Թբիլիսիի Իվանե Ջավախիշվիլի պետական համալսարանի լեզվական կրթության զարգացման ծրագրային առանձնահատկությունները:

Երկրորդ հանդիպումն անցավ Հայաստանի պետական տնտեսագիտական համալսարանում: Քննարկումների առանցքում հիմնականում բուհերի աշխատ-ակիցների միջազգային շարժունության գործընթացի կազմակերպումն էր և դրան  առնչվող այլ  հարցեր: Միջազգային փորձագետները ներկայացրեցին իրենց տեսակետը առկա խնդիրների լուծման հետ կապված, որոնք էապես կնպաստեն բուհերի միջազգայնացմանը և անձնակազմի շարժունության ընդլայնմանը մեր տարածաշրջանում:

Հայտարարություններ

Թափուր աշխատատեղ

28.11.2019
Թափուր աշխատատեղ

Հյուսիսային համալսարանը հայտարարում է մրցույթ Մարդկային ռեսուրսների  կառավ...

Թափուր աշխատատեղ

28.11.2019
Թափուր աշխատատեղ

Հյուսիսային համալսարանը հայտարարում է մրցույթ Ուսումնական  վարչության գլխա...

Գլխավոր նորություններ