logo-hy

  ՀՅՈՒՍԻՍԱՅԻՆ ՀԱՄԱԼՍԱՐԱՆ

eras2                  erasmus1

«Համալսարաններում միջազգայնացման խթանումը՝ անձնակազմի շարժունության միջոցով»

Նոյեմբերի 25-26-ը  տեղի ունեցավ տարածաշրջանային սեմինար և վերապատրաստում «Համալսարաններում միջազգայնացման խթանումը՝ անձնակազմի շարժունության միջոցով» թեմայով՝ Հայաստանի, Վրաստանի, Մոլդովայի, Ուկրաինայի Էրազմուս+ Բարձրագույն կրթության բարեփոխումների փորձագետների (ԲԿԲՓ) մասնակցությամբ:  Տարածաշրջանային սեմինարը և վերապատրաստումն իրականացնելու նպատակով Հայաստան էին ժամանել միջազգային փորձագետներ Ֆրանչեսկա Վալենտեն և Ռոմինա Կնյազը, որոնք ՀՀ բուհերի ներկայացուցիչներին և հյուրերին ներկայացրեցին Իտալիայի Բոլոնիայի համալսարանի փորձը:   Էրազմուս+ ազգային գրասենյակի ղեկավար Լանա Կառլովան բացման խոսքում ներկայացրեց Հայաստանի և Արևելյան գործընկերության երկրների բարձրագույն կրթական համակարգերի միջազգայնացման հետ կապված առկա ընդհանուր խնդիրները: Սեմինար- հանդիպմանը Հյուսիսային համալսարանից մասնակցում էին համալսարանի ուսումնահետազոտական և բարեփոխումների գծով պրոռեկտոր Լուսինե Ֆլջյանը, լրատվության և հասարակայնության հետ կապերի բաժնի մասնագետ Արփինե Ալեքսանյանը և արտաքին կապերի բաժնի մասնագետ Անի Թամազյանը: Հյուսիսային համալսարանի պրոռեկտոր Լուսինե Ֆլջյանը, ներկայացնելով արտասահմանյան 15 բուհերի շրջանակում իր կատարած  հետազոտությունը, կարևորեց բուհերի ռազմավարական ծրագրերում օտար լեզվով կրթական ծրագրեր իրականացնելու վերաբերյալ հատուկ ծրագիր ունենալը, որի շրջանակում պետք է կատարվեն համապատասխան ծրագրային և բովանդակային փոփոխություններ: Նա նաև ներկաների ուշադրությանը ներկայացրեց հետազոտության արդյունքում լավագույն ցուցանիշներ ունեցող Թբիլիսիի Իվանե Ջավախիշվիլի պետական համալսարանի լեզվական կրթության զարգացման ծրագրային առանձնահատկությունները:

Երկրորդ հանդիպումն անցավ Հայաստանի պետական տնտեսագիտական համալսարանում: Քննարկումների առանցքում հիմնականում բուհերի աշխատ-ակիցների միջազգային շարժունության գործընթացի կազմակերպումն էր և դրան  առնչվող այլ  հարցեր: Միջազգային փորձագետները ներկայացրեցին իրենց տեսակետը առկա խնդիրների լուծման հետ կապված, որոնք էապես կնպաստեն բուհերի միջազգայնացմանը և անձնակազմի շարժունության ընդլայնմանը մեր տարածաշրջանում:

uston

Ջերմ, բարի, տոնական մթնոլորտում նշվեց Ուսանողների միջազգային օրը Հյուսիսային համալսարանում: Լեփ-լեփուն  դահլիճ, ոգևորված ուսանողներ, հաճելի հյուրեր, բարեմաղթանքներ… Տոնի նախերգանքը ուսխորհրդի նախաձեռնած՝ ուսանողական կյանքն արտացոլող լուսանկարների մշտական ցուցահանդեսի բացումն  էր իրավագիտության ֆակուլտետում (շնորհակալություն մասնավորապես ուսխորհրդի փոխնախագահ Պողոս Ստամբուլյանին): Տարբեր խորագրեր կրող ֆոտոլուսանկարների պաստառները պատմում են ուսանողական տարաբնույթ միջոցառումների, համարձակ նախաձեռնությունների, Թբիլիսի կատարած հետաքրքիր ճամփորդության մասին:

Իսկ միջոցառման ընթացքում ուսանողներին ուղղվեցին բարեմաղթանքի անկեղծ խոսքեր ինչպես ռեկտոր Բորիս Մակիչյանի, այնպես էլ հյուրերի կողմից: Ողջույնի հանդիսավոր արարողությանը հաջորդեց պատվոգրերի հանձնումը: Ինչպես  հայտնի է, Հյուսիսային համալսարանի ղեկավարությունն իր ուսանողներին խրախուսելու, ուսման որակը բարձրացնելու, հասարակական ու գիտական ակտիվ գործունեության մղելու համար մշակել է տարբեր ծրագրեր, նախատեսել բազմաթիվ միջոցառումներ: Այդ նպատակին է ծառայում նաև համալսարանի անվանական կրթաթոշակների ինստիտուտը: Անվանական կրթաթոշակները նախատեսված են հասարակական ակտիվ աշխատանքի և գերազանց առաջադիմության համար: Միջոցառման ընթացքում բարձրաձայնվեցին անվանական կրթաթոշակների արժանացած ուսանողների անունները: Միաժամանակ պատվոգրեր հանձնվեցին նաև արժանավոր այն ուսանողներին, ովքեր մշտապես հանդես են եկել տարբեր նախաձեռնություններով, ուսման մեջ էլ դրսևորել են բարձր առաջադիմություն:

Ուսանողների միջազգային օրվան նվիրված միջոցառումն ամփոփվեց հետաքրքիր գեղարվեստական մասով՝ երգ, ասմունք ու թատերական փոքրիկ ներկայացում:

bakur1kayq Small    bakur2 kayq Small

Համագործակցություն Լեհաստանի Լեշնո քաղաքի Յան Ամոս Կոմենսկու անվան համալսարանի հետ

 

Սեպտեմբերի 20-ին ամփոփվեցին Լեհաստանի  Լեշնոյի բարձրագույն կրթության դպրոցի կողմից կազմակերպվող  IV International ERASMUS+ KA107 Staff Week-ի  մրցույթի արդյունքները: Մրցույթին դիմել էին երեք դասախոս, որոնցից ընդամենը մեկը դրամաշնորհ ստանալու հնարավորություն ուներ: Հաղթող ճանաչվեց  տնտեսագիտության և կառավարման ամբիոնի դասախոս Բակուր Մարտիրոսյանը։ Նշենք, որ ընտրությունը կատարվել էր Լեհաստանի  Լեշնոյի բարձրագույն կրթության դպրոցի ներկայացուցիչների կողմից։

2019թ. հոկտեմբերի 7-11–ին  Erasmus+Program (Staff Mobility for Teaching Assignment) ծրագրի շրջանակներում  Լեհաստանի Լեշնո քաղաքում գտնվող Յան Ամոս Կոմենսկու անվան համալսարանի հետ կնքած պայմանագրի շրջանակներում իրականացվեց մեկ դասախոսի փոխանակում: Հյուսիսային համալսարանի տնտեսագիտության և  կառավարման   ամբիոնի դասախոս, փոխանակման ծրագրի մասնակից Բ. Մարտիրոսյանը կիսեց իր տպավորությունները.

 «Erasmus+Programme (Staff Mobility for Teaching assignment) ծրագրի շրջանակներում հոկտեմբերի 7-11 ընկած ժամանակահատվածում  ինձ հնարավորություն ընձեռվեց «Հարկերի էությունը և ժամանակակից հարկերի հիմնական տեսակները» թեմայով ութ- ժամյա դասընթաց կազմակերպել վերոնշյալ համալսարանի տնտեսագիտության ֆակուլտետի տարբեր կուրսերի ուսանողների և դասախոսների հետ: Դասընթացի ընտրությունը կատարվել է հենց Յան Ամոս Կոմենսկու անվան համալսարանի կողմից, այնուհետև ինքս պատրաստել եմ համապատասխան նյութերը՝ օգտագործելով այդ ոլորտում իմ կողմից կատարված հետազոտությունները և հրատարակած մասնագիտական նյութերը: Ներկայացված թեման մեծ հետաքրքրություն առաջացրեց ունկնդիրների՝ ինչպես ուսանողների, այնպես էլ պրոֆեսորադասախոսական անձնակազմի շրջանում: Թեմայի ներկայացման ժամանակ նաև որոշակի զուգահեռներ անցկացվեցին Լեհաստանի Հանրապետության և Հայաստանի Հանրապետության հարկային համակարգերի միջև, խոսվեց դրանց տարբերությունների և որոշ առանձնահատկությունների մասին:

Լսարանը կահավորված էր գրատախտակով, պրոյեկտորով, տրամադրվեց համակարգիչ՝ տեսանյութերի դիտումն ապահովելու համար։

Հարկ եմ համարում շեշտել, որ համալսարանի համապատասխան աշխատակիցների, դասախոսական կազմի կողմից արժանացել եմ ջերմ ընդունելության և ընկերական վերաբերմունքի, զգացել նրանց աջակցությունն ու օժանդակությունը բոլոր հարցերում:

Ինչ վերաբերում է ուսանողներին, ապա դասերն անցել են անկաշկանդ և համագործակցային մթնոլորտում, ուսանողները ցուցաբերել են ակտիվություն, հետաքրքրվածություն և կարգապահություն ողջ դասապրոցեսի ընթացքում:

Նաև կուզենայի հավելել, որ սա հիանալի հնարավորություն է փորձելու մասնագիտական կարողությունները և հմտությունները՝ որոշ առումով «մարտահրավեր» ներկայացնող պայմաններում, որը յուրաքանչյուր դասախոս պետք է հաղթահարի իր աշխատանքային գործունեության ընթացքում»:

Հայտարարություններ

Թափուր աշխատատեղ

28.11.2019
Թափուր աշխատատեղ

Հյուսիսային համալսարանը հայտարարում է մրցույթ Մարդկային ռեսուրսների  կառավ...

Թափուր աշխատատեղ

28.11.2019
Թափուր աշխատատեղ

Հյուսիսային համալսարանը հայտարարում է մրցույթ Ուսումնական  վարչության գլխա...

Գլխավոր նորություններ