logo-ru

  СЕВЕРНЫЙ УНИВЕРСИТЕТ

vark
 
 
 
Ավարտվեց մասնագիտական կողմնորոշման նպատակով անցկացվող առցանց հանդիպումները հանրապետության տարբեր դպրոցների բարձր դասարանների աշակերտների հետ: Սա հանդիպման երկրորդ փուլն էր, որին մասնակցեցին այն աշակերտները, որոնք մարզերի դպրոցներ կատարած մեր այցի ընթացքում հետաքրքրություն դրսևորեցին Հյուսիսային համալսարանի մատուցած կրթական ծառայությունների նկատմամբ:
Zoom հարթակով կազմակերպված հանդիպումները մասնագիտական առումով ունեին առավել խորացված բնույթ, քանի որ յուրաքանչյուր ամբիոն սահիկահանդեսի միջոցով հանգամանալից ներկայացնում էր որևէ մասնագիտական կրթական ծրագրիր, դասավանդվող առարկաները, ուսումնառության վերջնարդյունքները և որակավորված մասնագետների գործունեության ոլորտները: Առցանց հանդիպմանը մասնակցում էին ինչպես ամբիոնների աշխատակիցները, այնպես էլ շրջանավարտներ և ուսանողներ: Դիմորդները ստացան հստակ պատասխաններ ինչպես իրենց նախընտրած մասնագիտությունների, այնպես էլ Հյուսիսային համալսարանի տրամադրած ուսումնական արտոնությունների, զեղչային համակարգի, արտերկրի հեղինակավոր բուհերում սովորելու հնարավորությունների մասին:
Պետք է նշել, որ այս նախաձեռնությունը՝ սկզբում այցելությունները տարբեր դպրոցներ, այնուհետև առցանց հանդիպումները աշակերտների(ապագա դիմորդների) հետ, բուհ-դպրոց բավականին արդյունավետ համագործակցության դրսևորում էր, որում ներգրավվեցին բուհի հիմնական ստորաբաժանումներն ու ղեկավար կազմը: Մասնագիտական կողմնորոշման երրորդ փուլում արդեն նախատեսվում է դասընթացներ կազմակերպել այն դիմորդների հետ, որոնք ընտրել են Հյուսիսային համալսարանը:
Շնորհակալություն ենք հայտնում նախաձեռնության ղեկավար կազմին, աջակիցներին ու բոլոր մասնակիցներին անուն առ անուն՝ մասնագիտական կողմնորոշմանն ուղղված գործընթացի այս փուլը հաջողությամբ իրականացնելու համար:
 

Լրատվության և հասարակայնության հետ կապերի ուսումնապրակտիկ կենտրոն
ayc1 ayc2
 
Մասնագիտական կողմնորոշման նպատակով այցելեցինք Արարատի մարզի մի շարք դպրոցներ։ Առաջինը հյուրընկալվեցինք Արարատ գյուղի Վ․ Սարգսյանի անվան N: 1 միջնակարգ դպրոցում (տնօրեն՝ Մ․ Փանոսյան)։ Ջերմ ու անկաշկանդ մեկժամյա հանդիպումը բարձր դասարանների աշակերտների հետ հնարավորություն տվեց ոչ միայն հանգամանալից ներկայացնել Հյուսիսային համալսարանի տրամադրած կրթական ծառայությունները, այլև ծանոթանալ դպրոցական կյանքին, նոր սերնդի նախասիրություններին։ Հաճելի էր նաև այն, որ ինֆորմատիկայի ուսուցիչ Ա․ Մարգարյանը մեր բուհի շրջանավարտն էր, որը ջերմորեն հիշեց իր ուսանողական տարիները:
Հետո այցելեցինք Արարատ քաղաքի N:5 միջնակարգ դպրոց: Արդեն որերորդ անգամ դպրոցներ այցելելիս մեզ հիացնում է այնտեղ տիրող կարգապահությունն ու մի զարմանալի հյուրընկալ ջերմություն: Զրուցեցինք տնօրեն Հասմիկ Զադոյանի հետ Асмик Задоян, շրջեցինք դպրոցում, եղանք գրադարանում, հիացանք գրադարանավարուհու՝ իր գործի հանդեպ մեծ պատասխանատվությամբ: Ակնհայտ էր, որ նման միջավայրում անհնար է չսիրել գիրքն ու գիրն ընդհանրապես: Իսկ հանդիպումը աշակերտների հետ հնարավորություն տվեց պատկերացում կազմել նրանց նախասիրությունների ու բարձրագույն կրթությունից ունեցած սպասելիքների մասին:
Տափերականի միջնակարգ դպրոցը Տափերականի միջն. դպրոց(տնօրեն՝ Մ. Սարգսյան) նույնպես հյուրընկալ էր: Մի պահ կանգ առանք բոլորովին վերջերս բացված փառքի սենյակում՝ նվիրված 44-օրյա և Ապրիլյան պատերազմում Տափերականից նահատակված հերոս քաջորդիների հիշատակին: «Մեզ համար հիշատակի նման սրահ ունենալը շատ կարևոր էր, մշտապես խնկարկում ենք մեր հերոս նահատակների հիշատակը,- զրույցում նշում է տնօրեն պարոն Սարգսյանը,-նաև դասասենյակներ ենք նորոգել ու կոչել նրանց անուններով»: Ուսուցիչներն ու աշակերտները նույնպես շտապում են պատմել նորաբաց սրահից՝ խոսելով նահատակված հերոսների մասին անթաքույց հպարտությամբ, նաև ցավով:
...Մարզային այցելությունից վերադառնում ենք հաճելի տպավորություններով: Մեծանում է հայրենասեր, կրթության հանդեպ սեր ու հետաքրքրություն ունեցող մի սերունդ:
 
Լրատվության և հասարակայնության հետ կապերի ուսումնապրակտիկ կենտրոն
 
dip1 
 
Հյուսիսային համալսարանը հավատարմագրվել է երեք անգամ՝ 2001, 2015 և 2018 թվականներին՝ իր բոլոր տարիների շրջանավարտներին տրամադրելով բացառապես պետական դիպլոմ: Այլ կերպ ասած՝ «բուհի կրթության որակը ճանաչելի է պետության կողմից»:
Ինչ է պետական հավատարմագրումը: Պետական հավատարմագրման հիմնական նպատակն է հավաստել ուսումնական հաստատություններին, ուսանողներին, նրանց ծնողներին, գործատուներին և շահագրգիռ հասարակությանը, որ մասնագիտական կրթության որակը ճանաչելի է պետության կողմից:
Հայաստանում կրթության որակի արտաքին ապահովումն իրականացվում է պետական հավատարմագրման միջոցով: Հավատարմագրման գործընթացը ՀՀ-ում իրականացնում է պետության կողմից լիազորված «Մասնագիտական կրթության որակի ապահովման ազգային կենտրոն» հիմնադրամը:
Հավատարմագրումը մասնագիտական ուսումնական հաստատությունների և կըրթական ծրագրերի կատարողականի և որակի ճանաչումն է, որը հանգեցնում է մատուցվող կրթական ծառայությունների որակի նկատմամբ մասնագիտական կրթության շահակիցների և հասարակության վստահության ձևավորմանը:
Հյուսիսային համալսարանը հավատարմագրվել է երեք անգամ՝ 2001, 2015 և 2018 թվականներին՝ իր բոլոր տարիների շրջանավարտներին տրամադրելով բացառապես պետական դիպլոմ: Այլ կերպ ասած՝ «բուհի կրթության որակը ճանաչելի է պետության կողմից»:
Հավատարմագրում շնորհվում է որոշակի ժամկետով, հավաստելով, որ ուսումնական հաստատությունները կամ կրթական ծրագրերն ունեն անհրաժեշտ կարողություն տվյալ ժամանակահատվածում երաշխավորված որակով կրթական գործունեություն իրականացնելու համար: Հավատարմագրումը ենթադրում է, որ հաստատությունը պահպանում է այն չափանիշները, որոնք հնարավորություն են տալիս շրջանավարտներին ձեռք բերել անհրաժեշտ որակավորում մասնագիտական ոլորտում առաջընթաց ունենալու կամ կրթությունն այլ ուսումնական հաստատություններում շարունակելու համար:
Այսպիսով, Հյուսիսային համալսարանին շնորհված հավատարմագրումը վկայությունն է այն բանի, որ «բուհը և նրա կրթական ծրագրերն ունեն անհրաժեշտ կարողություն տվյալ ժամանակահատվածում երաշխավորված որակով կրթական գործունեություն իրականացնելու համար: Հավատարմագրումը ենթադրում է, որ հաստատությունը պահպանում է այն չափանիշները, որոնք հնարավորություն են տալիս շրջանավարտներին ձեռք բերել անհրաժեշտ որակավորում»:
Մասնագիտական կրթության որակի արտաքին ապահովումը ՀՀ-ում իրականացվում է պետական հավատարմագրման հետևյալ երկու գործընթացներով.
1. ինստիտուցիոնալ հավատարմագրում,
2. մասնագիտության կրթական ծրագրի հավատարմագրում:
2018 թվականին Հյուսիսային համալսարանը ստացել է ինստիտուցիոնալ հավատարմագրում, որը պետության կողմից ուսումնական հաստատության կրթական և որակի ապահովման գործընթացների, մասնագիտությունների կրթական ծրագրերի` օրենքով սահմանված ուսումնական հաստատության տեսակին ներկայացվող պահանջներին, պետական կրթական չափորոշիչներին և ինստիտուցիոնալ հավատարմագրման չափանիշներին համապատասխանության ճանաչումն է:
Ինստիտուցիոնալ հավատարմագրումը նախապայման է ծրագրային հավատարմագրման համար:
Հյուսիսային համալսարանի ողջ աշխատակազմը՝ լավատես ու նպատակասլաց, պատրաստվում է հաջորդ հավատարմագրմանը:

Главные новости

Հայտարարություններ

Հյուսիսային համալսարանը հայտարարում է ռեկտորի գործավարի թափուր հաստիքի մրցույթ

30.04.2021
Հյուսիսային համալսարանը հայտարարում է ռեկտորի գործավարի թափուր հաստիքի մրցույթ

    Հյուսիսային համալսարանը հայտարարում է ռեկտորի գործավարի թափուր հա...

Աշխատանքի նոր հնարավորություն մեր ուսանողներին

15.03.2021

Հյուսիսային համալսարանի պրակտիկայի և կարիերայի կենտրոնի գործառույթներից է նպաստե...