Միջանցքում լուրջ ու կենտրոնացած դեմքով քայլում է Մանկավարժության ֆակուլտետի երկրորդ կուրսի ուսանողուհի Մանյա Հունանյանը, ժամանակ առ ժամանակ նայում ձեռքի թղթերին՝ փորձելով մտապահել կարդացածը: Հարցնում եմ ուսանողներին՝ Մանյային ի՞նչ է պատահել:
…Իսկ հետո ակտիվ քննարկումներ են, Մանյան պատմում է իր տպավորությունների մասին.<Երբ տիկին Սարգսյանն առաջարկեց անցկացնել դասը, մի պահ նույնիսկ վախեցա, ամեն դեպքում պատասխանատվությունը մեծ էր, լավ պատրաստվելուց բացի պետք էր նաև դասավանդման ճիշտ մեթոդներ ընտրել՝ լսարանին հետաքրքրելու, դասապրոցեսին ուսանողներին ներգրավելու համար: Իր խորհուրդներով շատ օգնեց տիկին Նաիրուհին, ինքնավստահություն ներշնչեց: Դասից հետո հասկացա, որ մասնագիտությունս ճիշտ եմ ընտրել: Ամենակարևորը՝ ինձ բոլորը լսում ու ենթարկվում էին>,-հպարտությամբ ասաց Մանյան:
Հավելենք նաև՝ «Մանկավարժություն» առարկան, որի շրջանակներում այս անգամ դասը վարեցին ուսանողները, դասավանդում է ամբիոնի վարիչ, արդեն իսկ պրոռեկտոր (ի ուրախություն բոլորիս) Նաիրուհի Սարգսյանը:
