Новости

Հայաստանի Առաջին Հանրապետության  100-ամյակին ընդառաջ

Հյուսիսային համալսարանի ավագ դպրոցի 11-րդ դասարանի աշակերտները և պատմության ուսուցչուհի Նազելի Սիմոնյանը Հայաստանի Առաջին Հանրապետության  100-ամյակին ընդառաջ ներկայացրեցին Մայիսյան հերոսամարտերի դրվագները, դրանց նշանակությունը հայոց պետականության ձեռքբերման գործում: Աշակերտները երգեցին հայրենասիրական երգեր, ներկայացրեցին ազգային հերոսներին և ընդգծեցին հայոց բանակի կազմավորման կարևորությունը: Նրանք հպարտությամբ զուգահեռներ անցկացրեցին ներկայիս իրողությունների և անցյալի փառավոր էջերի միջև:

Опубликовано: 17.05.2018

       

 Բուհին հանձնվեց ինստիտուցիոնալ հավատարմագրման վկայականը

2018 թվականի մարտի 20-ին Հյուսիսային համալսարանը ՈԱԱկ-ի կողմից ստացավ ինստիտուցիոնալ հավատարմագրում չորս տարի ժամկետով, ինչը բուհի անցած ճանապարհի, կրթության ոլորտում ունեցած լուրջ ներդրման, բնագավառի զարգացմանը միտված գործունեության լավագույն գնահատականն է:Մայիսի 7-ին Հյուսիսային համալսարանում տեղի ունեցած միջոցառման ժամանակ Որակի ապահովման ազգային կենտրոնի կողմից բուհին հանձնվեց ինստիտուցիոնալ հավատարմագրման վկայականը:

Փաստենք, որ բուհն այս պահի դրությամբ հանրապետությունում միակ կրթօջախն է, որն արժանացել է երեք հավատարմագրման (2001թ.՝անժամկետ, 2015 թ.՝2 տարով պայմանական, 2018 թ. մարտին՝ լիիրավ ինստիտուցիոնալ հավատարմագրում)` միաժամանակ նպաստելով հավատարմագրման գաղափարի արժևորմանն ու գործընթացի զարգացմանը ողջ հանրապետությունում:

Опубликовано: 08.05.2018

 
Նպաստել երիտասարդական աշխատանքի և ոչ ֆորմալ կրթության ճանաչելիությանը






Ապրիլի 20-23-ին Հյուսիսային համալսարանի արտաքին կապերի բաժնի աշխատակցուհի Նելլի Ավագյանն ու տնտեսագիտության ամբիոնի վարիչ, պրոֆեսոր Ա. Ճուղուրյանը մասնակցել են «Երիտասարդական ոչ ֆորմալ աշխատանք և ֆորմալ երիտասարդական հետազոտություններ» միջազգային քառօրյա գիտաժողովին, որի նախաձեռնողներն են ՀՀ գիտությունների ազգային ակադեմիան և Երիտասարդական ակումբների դաշնությունը:
Ծրագրի նպատակն է նպաստել երիտասարդական աշխատանքի և ոչ ֆորմալ կրթության ճանաչելիությանը և արդեն իսկ 2019թ.-ին ունենալ մշակված մագիստրոսական հեռավար դասընթաց այդ թեմայի շուրջ:Գիտաժողովի բացման հանդիսավոր արարողության ժամանակ ելույթ է ունեցել Հյուսիսային համալսարանը տնտեսագիտության և կառավարման ամբիոնի վարիչ, պրոֆեսոր Արմեն Ճուղուրյանը, ով իր խոսքում արդրադարձել է երիտասարդական աշխատանքի համատեքստում հեռավար կրթության հիմնախնդիրներին:
Ծրագրին մասնակցում էին 2-4-ական ներկայացուցիչ Պորտուգալիայից, Բելգիայից, Չեխիայից, Շվեդիայից, Լեհաստանից, Բուլղարիայից, Ռումինիայից, Մոլդովայից, Բելառուսից, Թուրքիայից, Ուկրաինայից, Վրաստանից, ովքեր հիմնականում երիտասարդական կազմակերպությունների ներկայացուցիչներ էին: Գիտաժողովի բացմանը հաջորդած երեք օրերին տեղի են ունեցել ծրագրի ոչ ֆորմալ գործողությունները, որի ընթացքում թիմային աշխատանքների միջոցով անդրադարձ է կատարվել երիտասարդական աշխատողին ներկայացվող անձնային պահանջներին, ինչպես նաև ակնկալվող դասընթացի մոդուլներին:
Միջազգային գիտաժողովի հաջորդ փուլերը տեղի են ունենալու Վրաստանում, Չեխիայում, Ուկրաինայում և Բելգիայում:

Опубликовано: 27.04.2018