Адрес |
РА, г. Ереван 0070, ул. Алека Манукяна 15а |
Тел: (+37410) 554452, 573317 |
Новости
Հյուսիսային համալսարանի լրագրության ֆակուլտետի առաջին կուրսի ուսանողուհի Նաիրա Շաղոյանն այս նյութը լրատվության բաժին էր ուղարկել մինչև Արցախում ռազմական գործողությունների վերսկսելը: Զինվորի հանդեպ կարոտի, սպասման մասին դեռատի աղջկա խոստովանությունը այս օրերին յուրաքանչյուրիս համար նոր իմաստ ու բովանդակություն է ստացել, տասնապատկվել են բոլոր զգացողությունները, իսկ հույսն ու հավատը՝ հարյուրապատկվել: Սպասում ենք այն պահին, երբ…
«Երբ սրտիդ աշխատանքը Արցախից եկող մի զանգով չի որոշվելու»
Գիտե՞ք ամենասպասված պահը որն է… Երբ զինվորիդ վերադարձին ընդամենը երկու ժամ է մնացել։ Երբ նրա՝ մի քանի օր չզանգելն արդեն ախորժակդ փակվելու պատճառ չի դառնա: Երբ հաստատ գիտես, որ խանգարող հանգամանքերը մնացին տանջալից շաբաթների մեջ։ Երբ նրան գրկելու համար պարտադիր չի լինելու հինգ հարյուր կիլոմետր կտրել-անցնել։ Երբ ուրբաթ օրերը սահման բարձրանալու և իջնելու համար նախատեսված չեն լինելու: Երբ ժամը 6:30 զինվորդ, քունը կիսատ թողնելով, չի արթնանա... Երբ ժամը 10:30 զինվորիդ համար «ադբոյի» ժամ չի լինելու: Երբ նրան զանգելիս օպերատորի կողմից չես լսելու ներաշխարհդ խարխլող նախադասությունը. «Բարի գալուստ Ղարաբաղ տելեկոմ, բաժանորդն անհասանելի է...»: Երբ մոռանալու եք այն ամենը, ինչ կարող էր բաժանել ձեզ... Երբ սրտիդ աշխատանքը Արցախից եկող մի զանգով չի որոշվելու... Երբ առավոտներդ արդեն բացվելու են նրա զվարթ «բարի լույս»-ով: Երբ օրերի դեմ ատելությամբ չես լցվելու... Երբ անհանգստությունդ՝ սիրուդ հետ խառնված, Արցախ տանող ոլորաններին չի մոլորվելու...
Նաիրա Շաղոյան
Հյուսիսային համալսարանի լրագրության ֆակուլտետի հեռակա ուսուցման առաջին կուրսի ուսանողուհի
Հյուսիսային համալսարանը հայտարարում է «Լավագույն գիտահետազոտական նախագիծ» դրամաշնորհային մրցույթը, որի նպատակն է խթանել Համալսարանի գիտական ստորաբաժանումների, անհատների նորարարական գիտահետազոտական գործունեության զարգացումը:
Դրամաշնորհային մրցույթն անցկացվում է հետևյալ ուղղություններով՝
- Իրավագիտություն և հասարակական գիտություններ
- Կառավարում և տնտեսագիտություն
- Մանկավարժություն, կրթության կառավարում, հայ գրականություն, մայրենիի և օտար լեզուների դասավանդում
- Համակարգչային գիտություններ, տեղեկատվական և հաղորդակցական տեխնոլոգիաներ
- Հոգեբանություն
- Լրագրություն
Մրցույթին կարող են մասնակցել ինչպես անհատներ, այնպես էլ թիմեր, որոնց կազմում կարող են ընդգրկված լինել Հյուսիսային համալսարանի պրոֆեսորադասախոսական կամ վարչական անձնակազմի ներկայացուցիչներ, ասպիրանտներ, ուսանողներ և շրջանավարտներ: Թիմերի մասնակիցների քանակի սահմանափակում չկա:
Հայտերն ընդունվում են մինչև ս.թ. սեպտեմբերի 15-ից մինչև հոկտեմբերի 15-ը:
Դրամաշնորհը կարող է պարունակել՝
- լրացուցիչ աշխատավարձ գիտահետազոտական գործունեություն իրականացնելու նպատակով.
- բարձր վարկանիշ ունեցող գիտական ամսագրերում հոդվածի խմբագրական, թարգմանչական և տպագրության ծախսեր.
- մենագրության /գիտահետազոտական աշխատանքի/ տպագրություն Համալսարանի միջոցների հաշվին:
«Լավագույն գիտահետազոտական նախագիծ» դրամաշնորհային մրցույթին մասնակցելու համար անհրաժեշտ է ներկայացնել հետևյալ փաստաթղթերը՝
- Ծրագրի մանրամասն նկարագիր-առաջարկություն /ոչ ավել քան 5000 նիշ/(մոտավորապես 2.5-3 համակարգչային էջ) ծավալով,
- Ծրագրի ժամանակացույցը,
- Ծրագրի բյուջեն Excel տարբերակով,
- Ծրագրի մասնակիցների ինքնակենսագրությունները,
- Ծրագրի յուրաքաչյուր մասնակցի անձնագրի պատճենը և 1 լուսանկար 3x4 չափի,
- Հյուսիսային համալսարանի ուսանողական տոմսի պատճենը:
Ծրագրերի ներկայացման պահանջներ և ընթացակարգ
- Նախագծի առաջարկը հարկավոր է ներկայացնել .doc, .docx, կամ .pdf փաստաթղթերի ձևերով (բացառությամբ՝ բյուջեի նախահաշվի):
- Յուրաքանչյուր թիմ կարող է ներկայացնել 1 աշխատանք մեկ ուղղությամբ: Թիմի անդամները կարող են ընդգրկված լինել նաև այլ թիմերում:
- Նախագիծը տևողությամբ չպետք է գերազանցի 1 տարին:
Հյուսիսային համալսարանի ռեկտորատ
2020 թվականի հոկտեմբերի 30-ին լրանում է հայ մեծանուն բանաստեղծ Ավետիք Իսահակյանի ծննդյան 145-ամյակը:
Ավետիք Իսահակյանի երևանյան տուն-թանգարանը հոկտեմբերի 21-22-ին կազմակերպում է գիտաժողով:
Հրավիրում ենք Ձեզ մասնակցելու գիտաժողովին՝ Ձեր ընտրած զեկուցման թեմայով:
Գիտաժողովի նյութերը կհրատարակվեն ժողովածուում:
Խնդրում ենք Ձեր մասնակցության և ընտրած թեմայի մասին տեղեկացնել էլեկտրոնային հասցեով՝ Этот адрес электронной почты защищён от спам-ботов. У вас должен быть включен JavaScript для просмотра.
Թեզիսների ուղարկման վերջնաժամկետն է սեպտեմբերի 30-ը:
Հարգանքով՝
Գիտաժողովի կազմկոմիտեի նախագահ,
Ավ. Իսահակյանի տուն-թանգարանի
տնօրեն՝ Անժելա Խորենյան
Հեռախոսներ՝ (+37410) 562424, (+37410) 587380
077 (096) 125-129