Новости

«DAAD Bologna Hub»

«DAAD Bologna Hub» փորձագիտական երկրորդ հանդիպման ընթացքում Հյուսիսային համալսարանի ներկայացուցիչները փորձագիտական խմբին ներկայացրեցին ուսումնական գործընթացի, կրթության որակի շարունակական բարելավման, միջազգայնացման և շարժունության ապահովման ուղղությամբ կատարված աշխատանքները և միջազգային չափորոշիչներին համապատասխան կրթական գործընթաց ապահովելուն միտված նորամուծությունները: Առջևում նոր անելիքներ են, նոր հաջողություններ:

Eng. During the second "DAAD Bologna Hub" expert meeting, the representatives of the Northern University presented to the expert group the work done in the direction of the educational process, continuous improvement of the quality of education, internationalization and mobility, and the innovations aimed at providing an educational process in accordance with international standards. There are new things to do, new achievements ahead.

Լրատվության և հասարակայնության հետ կապերի ուսումնապրակտիկ կենտրոն

: Опубликовано: 26.04.2024

expo2024.1 expo2024.2 expo2024.3

Հյուսիսային համալսարանը «Կրթություն և կարիերա Expo 2024»-ում

Կրթական էքսպոներին Հյուսիսային համալսարանի մասնակցությունն արդեն ավանդույթ է դարձել: Կ. Դեմիրճյանի անվան ՄՀՀ-ում կայացած «Կրթություն և կարիերա Expo 2024»-ը ևս մեզ համար համագործակցության նոր հնարավորությունների և հետաքրքիր գաղափարների առիթ էր: Մարշալ Ա․ Խանփերյանցի ռազմաօդային ուժերի ինստիտուտի ուսանողների կողմից բեմադրված արտակարգ իրավիՃակներում Հյուսիսային համալսարանի բժշկական քոլեջի ուսանողների ցուցաբերած առաջին բուժօգնությունը հետաքրքիր և արդյունավետ ձևաչափ էր՝ չափազանց կարևոր գիտելիքների ու փորձի փոխանակման համար: Հյուսիսային համալսարանի ուսումնահետազոտական և միաջազգայնացման գծով պրոռեկտոր Լուսինե Ֆլջյանի՝ «Կապի ուժը. Գիտելիքի փոխանակման դերը կրթական ցուցահանդեսներում» թեմայով դասախոսությունը ևս մեծ հետաքրքրություն առաջացրեց էքսպոյի մասնակիցների շրջանում: Էքսպոյի օրերին մեր տաղավարն աշխույժ էր և մարդաշատ՝ լի քննարկումներով, գիտելիքի փոխանակմամբ, նոր ծանոթություններով ու առաջարկներով։ Կրթական էքսպոները նպաստում են կրթական միջավայրի նոր հարաբերությունների ձևավորմանը՝ բարձրացնելով ուսումնական հաստատությունների ճանաչելիությունը:

Լրատվության և հասարակայնության հետ կապերի ուսումնապրակտիկ կենտրոն

: Опубликовано: 15.04.2024

ՀՅՈՒՍԻՍԱՅԻՆ ՀԱՄԱԼՍԱՐԱՆՈՒՄ ՍԿՍԵՑԻ ԻՄ ՓՈԽԱԿԵՐՊՎՈՂ ԱՊԱԳԱՆ.

ԲԱՑ ՄԻ ԹՈՂ ՀՆԱՐԱՎՈՐՈՒԹՅՈՒՆԴ՝ ՀԱՋՈՐԴԸ ԼԻՆԵԼՈՒ

Հյուսիսային համալսարանի մագիստրատուրայի ուսանողուհի Լիաննա Եղիշյանն «Էրազմուս +» շարժունության ծրագրի շրջանակում արդեն մեկ կիսամյակ սովորում է Լեհաստանի Շեցինի համալսարանում:

Լիաննայի խոսքով՝ ուսումնառության շեցինյան շրջանն իր համար կյանքի շրջադարձային փուլ է և առանցքային դեր է խաղացել իր մասնագիտական որակների, անձի ձևավորման, կենսափորձի ու ինքնաճանաչողության գործում:

«Հայաստանում սովորելուց հետո հետաքրքիր է սովորել նոր միջավայրում։ Շատ ուրախ եմ, որ ընդունվեցի Հյուսիսային համալսարան և ունեցա երկրից դուրս սովորելու այսպիսի հնարավորություն։ Բացի մասնագիտական առարկաներից, այստեղ հնարավորություն ունեցա ընտրել նաև ինձ հետաքրքրող այլ առարկաներ, ձեռք բերել նոր հմտություններ: Ի դեպ, Հյուսիսային համալսարանում ստացածս գիտելիքների շնորհիվ Լեհաստանում սովորում եմ գերազանց առաջադիմությամբ»։

«Էրազմուս +» ծրագրի կողմից սահմանված կրթաթոշակը թույլ է տվել Լիաննային իրականացնել իր բաղձալի երազանքներից ևս մեկը՝ շրջագայել եվրոպական տարբեր երկրներում, տեղում ծանոթանալ տարբեր ազգերի մշակույթներին: Իհարկե, առիթը բաց չի թողել իր օտարերկրացի ընկերներին ծանոթացնելու նաև մեր մշակույթին։

Լիաննան օրերս կավարտի իր ուսումնառությունը և կվերադառնա հարազատ բուհ՝ էստաֆետը հանձնելով եվրոպական կրթության մասին երազող մեր մյուս ուսանողներին:

Հյուսիսային համալսարանը նոր դռներ է բացում ...

Լրատվության և հասարակայնության հետ կապերի ուսումնապրակտիկ կենտրոն