| Адрес |
| РА, г. Ереван 0070, ул. Алека Манукяна 15а |
| Тел: (+37410) 554452, 573317 |
- Главная
- Новости
Новости
Լույս է տեսել «Ուսանողության գիտահետազոտական ներուժի բացահայտումը՝ որակյալ կրթության ու լավագույն փորձի համադրմամբ» միջբուհական ուսանողական գիտաժողովի նյութերը
Ժողովածուն ամփոփում է 2021 թ. փետրվարի 3-ին Հյուսիսային համալսարանում տեղի ունեցած գիտաժողովի զեկուցումները: Առցանց եղանակով անցկացված գիտաժողովին մասնակցում էին ինչպես Հյուսիսային համալսարանի, այնպես էլ հանրապետության տարբեր բուհերի ուսանողներ(բակալավրիատ, մագիստրատուրա)՝ կարդալով զեկուցումներ մանկավարժության, հոգեբանության, արվեստի պատմության, լրագրության, իրավագիտության, բանասիրության և այլ բնագավառներից:
Գիտաժողովը նվիրված էր բուհի հիմնադիր ռեկտոր Բորիս Մակիչյանի հիշատակին: Ցավոք, գիտաժողովից կարճ ժամանակ անց իր երկրային կյանքին հրաժեշտ տվեց նաև այս նախաձեռնության հեղինակներից մեկը՝ Հյուսիսային համալսարանի գիտական հետազոտությունների, նորարարական ծրագրերի և հետբուհական մասնագիտական կրթության կենտրոնի ղեկավար Գ. Ասատրյանը:
Տեղեկացնենք գիտաժողովի մասնակից ուսանողներին, որ ժողովածուն նրանց կտրամադրվի Հյուսիսային համալսարանի հիմնադրման 25-ամյակին նվիրված հանդիսության ժամանակ, որը տեղի կունենա հուլիսի 22-ին:
Լրատվության և հասարակայնության հետ կապերի ուսումնապրակտիկ կենտրոն
Հյուսիսային համալսարանը թվային գրադարանների ասոցիացիայի անդամ է
Հյուսիսային համալսարանը 24․05․2021թ․–ից անդամակցում է «Հայաստանի թվային գրադարանների ասոցացիա» հասարակական կազմակերպությանը։ Կնքվել են պայմանագրեր, որոնք հնարավորություն կտան (անվճար հիմունքներով) օգտվելու մի շարք միջազգային նշանակության էլեկտրոնային գրադարանների շտեմարաններից։ Շտեմարանների հասանելիությունն ապահովվում է բացառապես Հյուսիսային համասարանի համակարգչային բազայից։ Այսօր արդեն The Company of Biologist-ի երեք ամսագրերի` Development, Journal of Cell Science and Journal of Experimental Biology և Grebennikon Էլեկտրոնային գրադարանի պաշարները, որոնց ունեն հիմնականում մարքեթինգի, տնտեսագիտության, մենեջմենթի թեմատիկ ուղղվածություն, արդեն բաց են Հյուսիսային համալսարանի համար։
Շնորհակալ ենք Հայաստանի թվային գրադարանների ասոցացիայի մեր գործընկերներին:
Գործընթացը կրում է շարունակական բնույթ։
Հայաստանը՝ անգլերենով
Հյուսիսային համալսարանի «Մասնագիտական մանկավարժություն»/օտար լեզու և գրականություն/ բաժնի առկա ուսուցման 2-րդ կուրսի ուսանողներն այսօր հիմնական օտար լեզու / անգլերեն/ առարկայի քննությունը հանձնել են ոչ սովորական ձևով՝ սահիկահանդեսով:
Ինչպես իր խոսքում նշեց դասախոս Ա. Թամազյանը անգլերենի քննությունը նման կերպ անցկացնելու նպատակն էր նախ ստուգել, թե որքանով է դասընթացը նպաստել ուսանողների անգլերենի զարգացմանն ու գեղեցիկ խոսքի ձևավորմանը, այնուհետև պարզել նրանց սահիկանահանդեսներ ներկայացնելու հմտությունը:
Ուսանողների գեղեցիկ, արտահայտիչ ու սահուն անգլերենի շնորհիվ նոր գույներով ներկայացան Սյունիքը, Լոռին, մայրաքաղաք Երևանը և առհասարակ ՀՀ բոլոր տեսարժան վայրերը: Նրանք ներկայացրին նաև բազմադարյա վանական համալիրները(Գառնու հեթանոսական տաճար), Շաքիի ջրվեժը և Հայաստանի գողտրիկ այլ անկյուններ:
Ուսանողները սահիկահանդեսի միջոցով նաև անդրադարձան ՀՀ խոշոր քաղաքներին, հայկական խոհանոցի ավանդական ուտեստների և տեսարժան վայրերի շուրջ հյուսվող լեգենդներին:
