Новости

Հյուսիսային համալսարանի միջազգային գործընկերների թիվը համալրվել է ևս մեկով

Վերջերս  Հյուսիսային համալասարանը երկկողմ համաձայնագիր կնքեց  Պուշկինի անվան Լենինգրադի պետական համալսարանի հետ :

Պուշկինի անվան Լենինգրադի պետական համալսարանը հիմնադրվել է 1992 թվականին և ունի 11 ֆակուլտետ, 31 բակալավրիատի, 30 մագիստրոսական և 8 ասպիրանտական ծրագիր: Պայմանագրի շնորհիվ նոր հնարավորություններ կընձեռվի ինչպես ուսանողների, այնպես էլ երիտասարդ հետազոտողների և դասախոսների համար:

Հյուսիսային համալսարանը ռուսական բուհերի և գիտահետազոտական ինստիտուտների հետ երկար տարիների համագործակցության փորձ ունի, և ապագայում էլ նախատեսվում է ընդլայնել համագործակցության շրջանակը:

Опубликовано: 09.09.2019

 Հյուսիսային համալսարանը  և Լատվիայի համալսարանը
այսուհետ գործընկերներ են

2019 թվականի հունիսի 26ին Հյուսիսային համալասարանի արտաքին կապերի բաժնի ջանքերով երկկողմ համաձայնագիր կնքվեց Հյուսիսային համալսարանի և Ռիգայում գտնվող Լատվիայի hամալսարանի միջև:

Լատվիայի համալսարանը հիմնադրվել է 1919 թվականին և ունի 13 ֆակուլտետ: Համագործակցությունն ուղղված է խթանելու երկկողմ հարբերությունները ակադեմիական և գիտական ոլորտում:

Միջազգային գործընկերների շարքում  Լատվիայի համալսարանը առանձնահատուկ դեր ունի և նոր հեռանկարներ է բացում Հյուսիսային համալսարանի պրոֆեսորադասախոսական կազմի և ուսանողների համար: Առաջիկայում  նախատեսվում է առավել ընդլայնել համագործակցության շրջանակը:

Опубликовано: 15.07.2019

«Թող այլևս երբեք առիթ չլինի նրանց սխրանքը կրկնելու...»

Ուսանողական խորհրդի  նախաձեռնությամբ (նախագահ՝ Անի Ալեքսանյան, տեղակալ՝ Պողոս Ստամբուլյան) Հյուսիսային համալսարանում բացվեց Ապրիլյան քառօրյա պատերազմի  հերոսների անվան լսարան: Նախ ամբողջությամբ նորոգվեց իրավաբանության ֆակուլտետի լսարաններից մեկը, կահավորվեց, իսկ պատերին փակցված նկարները, կենսագրական տեղեկություններն ու քառօրյայի հերոս տղաների մասին պատմող նյութերը նորաստեղծ լսարանին  հաղորդեցին անմեկնելի մի մթնոլորտ, իսկ ներկաներին այնպիսի մի զգացողություն, ասես նրանք բոլորը՝ գիտակցված մահն ընտրողները, ողջ են բոլոր ողջերից և պատից ժպտացող նկարներից նրանք պատգամում են չհանձնվել երբեք…

Միջոցառմանը ներկա էին Ապրիլյան պատերազմի հերոսներ Ռոբերտ Աբաջյանի պապը, Ադամ Սահակյանի մայրը, Քառօրյայի մասնակից Գևորգ Մանուկյանը, ինչպես նաև համալսարանի աշխատակիցներ և ուսանողներ:

Հուզիչ էր Ադամ Սահակյանի մոր խոսքը.«Մեր զավակները կանխել են աշխարհաքաղաքական աղետը: Նրանք զոհվեցին՝ ձեզ կտակելով իրենց կիսատ թողած գործերը: Այսօր մենք ապրում ենք մի աշխարհում, որտեղ մարդիկ ասես կորցրած լինեն հոգիները: Այն, որ այսօր ձեր համալսարանում  Ապրիլյան քառօրյա պատերազմի  հերոսների անվան լսարան է բացվում, խոսում է այն մասին, որ այստեղ հոգի և սիրտ ունեցող մարդիկ են սովորում և աշխատում»: Իսկ Գևորգ Մանուկյանը նշեց. «Թող այլևս երբեք առիթ չլինի նրանց սխրանքը կրկնելու...»:

Опубликовано: 08.07.2019