| Адрес |
| РА, г. Ереван 0070, ул. Алека Манукяна 15а |
| Тел: (+37410) 554452, 573317 |
- Главная
- Новости
Новости
Հանդիպում-քննարկում Erasmus+ շարժունության ծրագրի մասնակից Ս. Բարսեղյանի հետ
Սույն թվականի մարտի 31-ին, ժամը 12:00, Հյուսիսային համալսարանի հեռավար ուսուցման լաբորատորիայում տեղի կունենա հանդիպում Erasmus+ շարժունության ծրագրի շրջանակներում Լեհաստանի Շեցինի համալսարանում մեկ կիսամյակ ուսանած՝ բանասիրության և մանկավարժության ֆակուլտետի «Մասնագիտական մանկավարժություն» (անգլերեն լեզու և գրականություն) մասնագիտության 3-րդ կուրսի ուսանողուհի Սոֆյա Բարսեղյանի հետ:
Հանդիպում-քննարկման ընթացքում Սոֆյա Բարսեղյանը ուսանողներին կփոխանցի Էրազմուս+ կրեդիտային շարժունության ծրագրով Շեցինի համալսարանում կուտակած փորձն ու կպատմի ծրագրի ընձեռած հնարավորությունների մասին:
Հրավիրվում են շարժունության ծրագրերով հետաքրքրված բոլոր ուսանողները:
Հանդիպում–քննարկում` ՈԱ վարչության և Հյուսիսային համալսարանում գործող ֆակուլտետների դեկանների միջև
Բուհը շարունակում է աշխատել հիմնադիր ռեկտոր Բորիս Մակիչյանի սկզբունքով՝ գիշեր-ցերեկ...
2022թ–ի մարտի 23–ին, տեղի ունեցավ հանդիպում–քննարկում` ՈԱ վարչության և Հյուսիսային համալսարանում գործող ֆակուլտետների դեկանների միջև:Հանդիպումը նպատակաուղղված էր ուսումնական գործընթացի առավել արդյունավետ կազմակերպմանը և արդիական մոտեցումներին: ՈՒսումնառողների շահերը միշտ գերադասվում են։
Տեղի ունեցավ Հյուսիսային համալսարանի
Ուսանողական գիտական ընկերության 2022թ. անդրանիկ նիստը
2022թ. մարտի 22-ին տեղի ունեցավ Հյուսիսային համալսարանի Ուսանողական գիտական ընկերության (ՈՒԳԸ) 2022թ. անդրանիկ նիստը, որը վարում էր Գիտահետազոտական կենտրոնի ղեկավար և ՈՒԳԸ-ի աշխատանքների համակարգող, ի.գ.թ., դոցենտ Ավետիք Հարությունյանը։
Նիստին ներկա էին ՈւԳԸ նախագահ Մարինե Հակոբյանը, խորհրդի անդամներ Անի Ալեքսանյանը, Էդգար Տոնոյանը, Պերճուհի Հայրապետյանը, Մանվել Կարապետյանը և քարտուղար Լիլիթ Խեչումյանը:
Օրակարգում ներառված էին ՈւԳԸ աշխատանքային պլանի քննարկումն ու առաջիկա միջոցառումների ժամանակացույցի հաստատումը, որը ներկայացրեց ՈւԳԸ նախագահ Մարինե Հակոբյանը:
Հանդիպման ընթացքում քննարկվել են ՈՒԳԸ-ի կանոնադրության վերանայման, առաջիկայում Ա.Հարությունյանի կողմից «Իրավաբանի մասնագիտական հմտություններ» թեմայով բանախոսության կազմակերպման, արդիական թեմաներով կլոր սեղանների հրավիրման, ուսանողների ստեղծագործական ու գիտական հակումների բացահայտմանն ուղղված մրցույթների անցկացման, նման միջոցառումները Հյուսիսային համալսարանի Ալավերդու բաժանմունքում ևս կազմակերպելու վերաբերյալ հարցեր:Լսելով ներկայացված առաջարկներն ու կարծիքները, Ա․Հարությունյանն ամփոփեց նիստը՝ մասնակիցներին տալով հանձնարարականներ և նշանակելով հերթական նիստի օրը։
