logo-ru

  СЕВЕРНЫЙ УНИВЕРСИТЕТ

irav.klinika 

Հյուսիսային համալսարանի Իրավաբանական կլինիկայի ուսանողները մասնակցեցին «Առաքելություն Հայաստան»-#Mission_Armenia բարեգործական ՀԿ-ի՝ «Փաստաթուղթ չունեցող անձանց իրավունքների պաշտպանությունը» թեմայով աշխատաժողովին: 
Աշխատաժողովի բանախոսներն էին «Առաքելություն Հայաստան» ԲՀԿ փոխնախագահ Ալլա Հարությունյանը, «Առաքելություն Հայաստան» ԲՀԿ իրավախորհրդատու Սուրեն Բաղրամյանը, ՄԱԿ ՓԳՀ փորձագետ Սերգեյ Ղազինյանը, ԵՊՀ եվրոպական և միջազգային իրավունքի ամբիոնի դասախոս, Իրավաբանական կլինիկայի տնօրեն Քնարիկ Վարդանյանը:
Աշխատաժողովի ընթացքում ներկայացվեցին այնպիսի թեմաներ, ինչպիսիք են՝
📍Փաստաթուղթ չունեցող անձանց իրավական աջակցությունը և նրանց պաշտպանությանն ուղղված իրավական ընթացակարգերը ՀՀ-ում:
📍Միգրացիոն գործընթացների և հասկացությունների կարգավորումը միջազգային և ներպետական իրավունքում։
Սեմինարին մասնակցում էին նաև ԵՊՀ Իրավաբանական կլինիկայի ուսանողները։
 
Լրատվության և հասարակայնության հետ կապերի ուսումնապրակտիկ կենտրոն

usanoxakan.gitajoxov usanoxakan gitajoxov

Գիտաժողով՝ «Մասնագիտական կրթությունը ուսանողի աչքերով»

2022 թվականի հոկտեմբերի 14-ին Հյուսիսային համալսարանում տեղի ունեցավ միջբուհական ուսանողական գիտաժողով՝ «Մասնագիտական կրթությունը ուսանողի աչքերով» խորագրով: Հյուսիսային համալսարանի և ՀՀ ԳԱԱ գիտակրթական միջազգային կենտրոնի համագործակցությամբ կազմակերպված գիտաժողովին մասնակցում էին ՀՀ Գիտությունների ազգային ակադեմիայի, Հյուսիսային համալսարանի, Հայաստանի պետական տնտեսագիտական համալսարանի, Վ. Բրյուսովի անվան պետական համալսարանի , տարբեր ֆակուլտետների ուսանողներ:
Տարբեր բուհեր և մասնագիտական տարբեր ուղիներ ընտրած ուսանողների համար Հյուսիսային համալսարանը դարձավ մասնագիտական կրթության հիմնախնդիրների քննարկման բաց հարթակ, որտեղ ուսանողների հետազոտությունների արդյունքների, դիտարկումների և ուսանող-դասախոս երկխոսության միջոցով հնարավոր եղավ բարձրաձայնել մասնագիտական կրթությանն առնչվող կարևոր խնդիրներ:
Հետաքրքիր, վերլուծական տարրերով հագեցած ելույթները, պատկերավոր ասելիքով սահիկահանդեսները վկայում են ուսանողների գիտական ներուժի և այդ ներուժը հօգուտ մեր երկրի ուղղորդելու անհրաժեշտության մասին:
Հյուսիսային համալսարանի ռեկտոր Ռայա Ջանինյանը մասնակիցներին հանձնեց հավաստագրեր և Անի Կարապետյանի «Երկնքի ժպիտները» գիրքը, որն ամփոփում է 44-օրյա պատերազմում անմահացած 70 հերոսների պատմությունները: Բուհի ռեկտորի խնդրանքով ուսանողները գրքերը կփոխանցեն իրենց բուհերի գրադարաններին՝ որպես միջբուհական արդյունավետ համագործակցության խրհրդանիշեր:
Որպես ունկնդիր գիտաժողովին ներկա էին նաև տնտեսագիտության դոկտոր, պրոֆեսոր Գագիկ Վարդանյանը, մասնակից բուհերի դասախոսներ, ուսանողներ, Հյուսիսային համալսարանի ստորաբաժանումների ղեկավարներ:
Շնորհակալություն գիտաժողովի բոլոր մասնակիցներին և կազմկոմիտեի անդամներին՝
Ռայա Ջանինյան – Հյուսիսային համալսարանի ռեկտոր, Համալսարանի համահիմնադիր
Մանթաշ Մակիչյան- Տնտեսական աշխատանքների գծով պրոռեկտոր
Լուսինե Ֆլջյան – Ուսումնահետազոտական և միջազգայնացման գծով պրոռեկտոր, բ․գ․դ․, պրոֆեսոր
Արմեն Ճուղուրյան – Գիտական հետազոտությունների, նորարարական ծրագրերի և հետբուհական մասնագիտական կրթության կենտրոնի ղեկավար, տնտեսագիտության և կառավարման ամբիոնի վարիչ, տ․գ․դ․, պրոֆեսոր
Ատոմ Մխիթարյան – ՀՀ ԳԱԱ ԳՄԿ դեկան, ֆ-մ․գ․դ․, դոցենտ
Ամալյա Գրիգորյան - Գիտական հետազոտությունների, նորարարական ծրագրերի և հետբուհական մասնագիտական կրթության կենտրոնի համակարգող
Մերի Այվազյան - Մանկավարժության և բանասիրության ֆակուլտետի դեկան
Լիաննա Հակոբյան - Իրավագիտության ֆակուլտետի դեկան
Քրիստինե Բայրամյան - Տնտեսագիտության, կառավարման և ինֆորմատիկայի ֆակուլտետի դեկան:
Լրատվության և հասարակայնության հետ կապերի ուսումնապրակտիկ կենտրոն

ainyhamlsaranum ainyhamalsaranum1

Ազդարարման եւ պաշտպանական կառույցների մասին զեկույց Հյուսիսային համալսարանում

«Փորձանքը գալուց առաջ լուր չի ուղարկում․ հարկավոր է միշտ պատրաստ լինել» –սա է այն սկզբունքը, որով պետք է յուրաքանչյուրս պատրաստ լինենք դիմակայել ժամանակի մարտահրավերներին՝ նպաստելով մեր երկրում անվտանգության մշակույթի ձևավորմանը։

ԱԻՆ ճգնաժամային կառավարման պետական ակադեմիայի ղեկավար կազմի որակավորման բարձրացման ֆակուլտետի դեկան, տ.գ.թ. դոցենտ Դավիթ Թադևոսյանը Հյուսիսային համալսարանի, բժշկական քոլեջի և ավագ դպրոցի սաներին ու աշխատակազմին ծանոթացնում է արտակարգ իրավիճակներում բնակչության պաշտպանության միջոցառումներից մեկին՝ ազդարարման կազմակերպմանը:
Աշխարհում գոյություն ունեցող թվով 350 բնական աղետներից 110–ը բնորոշ է նաև Հայաստանին, և ռիսկերը նվազագույնի հասցնելու համար չափազանց կարևոր է բնակչության իրազեկվածության և պատրաստվածության մակարդակի բարձրացումը։
Հյուսիսայինցիների՝ Դավիթ Թադևոսյանին ուղղված հարցերն, իհարկե, կապված էին մերօրյա մարտահրավերների և դրանց պատրաստ լինելու մեխանիզմների հետ։
Ի դեպ, Հյուսիսային համալսարանի բժշկական քոլեջի և ՀՀ ԱԻՆ ճգնաժամային կառավարման պետական ակադեմիայի միջև կկնքվի համագործակցության պայմանագիր, ինչը կնպաստի արտակարգ իրավիճակներին դիմակայելու մշակույթի ձևավորմանը և արտակարգ իրավիճակներում արդյունավետ բժշկական ծառայություններ իրականացնելու ունակ մասնագիտական կադրերի պատրաստմանը։
Լրատվության և հասարակայնության հետ կապերի ուսումնապրակտիկ կենտրոն
 

Главные новости

Հայտարարություններ

Հյուսիսային համալսարանը հայտարարում է մրցույթ հաշվապահի օգնականի ժամանակավոր թափուր հաստիքի համար

02.12.2022

ՀԱՅՏԱՐԱՐՈՒԹՅՈՒՆ Հյուսիսային համալսարանը հայտարարում է մրցույթ հաշվապահի օգնականի...

Հայտարարություն թափուր հաստիքի համար

28.10.2022

ՀԱՅՏԱՐԱՐՈՒԹՅՈՒՆ Հյուսիսային համալսարանը հայտարարում է մրցույթ որակի ապահովման վա...